Rasśledavańnie hibieli ŭ Piečach radavoha Koržyča zavieršana, sprava nakiravanaja ŭ prakuraturu
U paniadziełak maci zahinułaha ŭ Piečach sałdata Śviatłana Koržyč aznajomiłasia z vynikami ekśpiertyzy ekshumacyi. Žančyna nie zhodna z hetym zaklučeńniem i napisała čarhovaje chadajnictva. Pa dadzienych TUT.BY, sprava ab hibieli Koržyča, pa jakim pravodzili dadatkovyja śledčyja dziejańni, pieradadzienaja ŭ prakuraturu.
- Vyniki ekśpiertyzy dakładna takija ž jak byli raniej, a tyja cialesnyja paškodžańni, jakija byli na hałavie, tvary, nibyta ŭźnikli «u vyniku manipulacyj ź ciełam» užo paśla śmierci. Tak sami ž chłopcy davali pakazańni, što akuratna źniali cieła Sašy, akuratna pakłali, - raspaviadaje Śviatłana Koržyč, mama zahinułaha radavoha Alaksandra Koržyča.
Pa spravie pravodzili dadatkovyja śledčyja dziejańni — u pačatku červienia Śviatłana Koržyč nastajała na ekshumacyi, jana nie zhodnaja ź viersijaj śledstva, što sałdata Koržyča daviali da samahubstva. Žančyna nastojvaje — jaje adzinaha syna zabili.
Raniej, nahadajem, mama zahinułaha Alaksandra zajaŭlała: za śmierć syna jana vystavić Ministerstvu abarony rachunak 240 tysiač dalaraŭ.
Jak daviedaŭsia TUT.BY, zaraz rasśledavańnie hibieli Koržyča zavieršana, kryminalnaja sprava nakiravanaja ŭ prakuraturu. Nie vyklučana, što słuchańni ŭ sudzie pačnucca ŭ žniŭni.
Kamientary