Žychara Homiela zatrymali za sprobu chabaru ŭkrainskamu pamiežniku. Jamu pahražaje da 8 hadoŭ turmy
Vajskovaja prakuratura Čarnihaŭskaha harnizona zatrymała hramadzianina Biełarusi, žychara Homiela, za prapanovu ŭkrainskamu pamiežniku chabaru 100 dalaraŭ dla bieśpieraškodnaha ŭjezdu va Ukrainu. Proźvišča zatrymanaha nie nazyvajecca, piša Radyjo Svaboda.
«Hramadzianinu Biełarusi admovili va ŭjeździe va Ukrainu, bo jon nie zmoh paćvierdzić metu svajoj pajezdki i nie mieŭ hrašovaha zabieśpiačeńnia na čas znachodžańnia na ŭkrainskaj terytoryi», — paviedamili Svabodzie ŭ vajskovaj prakuratury Čarnihaŭskaha harnizona
Paśla taho, jak biełarusu admovili ŭ propusku na terytoryju Ukrainy, jon prapanavaŭ ukrainskamu pamiežniku 100 dalaraŭ za toje, kab prapuściŭ. Pamiežnik vyklikaŭ palicyju, jakaja kvalifikavała dziejańni biełarusa «jak prapanovu niepravamiernaj vyhady słužbovaj asobie».
Ciapier hramadzianin Biełarusi znachodzicca ŭ adździaleńni čarnihaŭskaj palicyi dla časova zatrymanych. Sud nieŭzabavie maje vybrać dla jaho mieru strymańnia.
Zaviedziena kryminalnaja sprava za prapanovu chabaru słužbovaj asobie, što karajecca pazbaŭleńniem voli na termin ad 4 da 8 hadoŭ z kanfiskacyjaj ci biez kanfiskacyi majomaści.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa65
Kamientary