Imia Uładzisłava Syrakomli znachodzicca na pieryfieryi masavaj i vuzkaprafiesijnaj śviadomaści. Jon znajomy biełaruskim litaraturaznaŭcam i amal nieviadomy nam jak dramaturh. Nazvać hetaje stanovišča haniebnym było b kamplimientam. Heta katastrofa.
Pjesy Syrakomli hłybiejšyja, vastrejšyja i jarčejšyja za pjesy asoby, jakuju pa svajoj histaryčnaj zaviadzioncy i lubovi da adnapalarnaści biełarusy zavuć «baćkam teatra». Ničoha asabliva drennaha nie mahu skazać pra Dunina-Marcinkieviča, čałaviek pisaŭ jak moh, i historyja padniała navierch jaho piersonu pa svaich zakonach.
Ale mahu dakładna skazać adno: pačynalnikaŭ biełaruskaha teatra bolej, čym adna asoba. I pryjšoŭ čas pačuć słovy sapraŭdnaha baćki.
Bo jamu chutka 200. I jość šmat-šmat pracy z hetaj nahody.
18-ha traŭnia zaprašaju ŭsich vas na čytku ŭryŭkaŭ histaryčnaj dramy «Kaspar Karlinski» da 195-hodździa z dnia naradžeńnia biełaruskaha dramaturha Uładzisłava Syrakomli. Jana projdzie ŭ miežach festa «Horad i knihi — 2018».
Upieršyniu na biełaruskaj movie prahučać ŭryŭki adnoj z samych znakamitych pjes paeta — histaryčnaj dramy «Kaspar Karlinski», jakaja 160 hod tamu staviłasia ŭ Vilni, Miensku, Bieraści, Harodni.
U prahramie — razmova z Hannaj Sieviaryniec i Natallaj Vałancevič pra rolu Uładzisłava Syrakomli ŭ raźvićci biełaruskaj dramaturhii i teatra, ab nieabchodnaści pierakładu jaho dramaturhičnaj spadčyny na sučasnuju movu i viartańnia imia znakamitaha suajčyńnika ŭ litaraturnuju i teatralnuju prastoru.
U Biełarusi Uładzisłaŭ Syrakomla bolš viadomy jak vydatny paet, historyk, etnohraf. A ŭ jaho spadčynie jość kamiedyi, histaryčnyja dramy i navat monadrama, usie jany vydadzienyja i pastaŭlenyja pry žyćci dramaturha ŭ roznych haradach Biełarusi.
Aŭtar idei i navukovy kansultant — Natalla Vałancevič, pierakładčyk — Aleś Płotka, režysior — Julijana Šyrma, vykanaŭcy — studenty BDAM, maderatar — Hanna Sieviaryniec.
Čas: 14.00 — 15.00, 18 traŭnia.
Adras: Minsk, Niezaležnaści, 65 (dvoryk BNTU).
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary