Sitnica: Na hetym tydni šylda ŭ honar 100-hodździa BNR u Minsku ŭstalavana nie budzie
Staršynia Sajuza mastakoŭ Ryhor Sitnica ŭ intervju Radyjo Svaboda paviedamiŭ, što Minski harvykankam planuje razhledzieć pytańnie šyldy ŭ čaćvier, 29 sakavika.
Ryhor Sitnica čakaje, što rašeńnie budzie stanoŭčym.
— U vas niama adčuvańnia, što z šyldaj moža paŭtarycca historyja 1993 hoda, kali jaje abiacali ŭzhadnić, ale tak i nie ŭzhadnili?
— Pakul nie, pakul u mianie tryvohi niama. Pasiedžańnie Minskaha harvykankama adbyvajecca ŭ čaćvier. Da siońniašniaha dnia niama rašeńnia ab ustalavańni. Jość tolki vusnaje. Aficyjnaha piśmovaha niama. Ja čakaju, što zaŭtra hetyja papiery buduć padpisanyja.
Pakul jany nie padpisanyja, nie moža adbycca pasiedžańnie Mastackaj rady, na jakim budzie zaćvierdžanaja hetaja doška. U mianie pastajannaja suviaź z haradskimi ŭładami. Jany nie abviarhajuć ahučanuju raniej svaju stanoŭčuju pazicyju, nie piarečać. Navat jość dva piśmovyja zapeŭnivańni, što jany nie majuć pryncypovych piarečańniaŭ adnosna ŭstalavańnia hetaj doški.
Adzinaje, što jana pavinna prajści ŭsie pracedury, jakija praduhledžanyja zakanadaŭstvam. Kali rašeńnie ab jaje ŭstalavańni budzie pryniataje i padpisanaje, tady litaralna ŭ piatnicu ci na praciahu nastupnaha tydnia my praviadziem Mastackuju radu, uchvalim došku i budziem havaryć pra kankretnuju datu jaje ŭstalavańnia.
— Atrymlivajecca, što ŭstalavańnie adkładajecca jašče na niekalki tydniaŭ?
— Nie na niekalki… Ja nia viedaju dakładna. Hetaje pytańnie nie da mianie. Ja rablu toje, što rablu. U mianie kožny dzień iduć pieramovy z haradskimi ŭładami. Jany nie abviarhajuć svajo rašeńnie. Dla mianie važny sam fakt ustalavańnia hetaj šyldy. Raniej ci paźniej na tydzień — nie važna. Toje, što jana zroblena, toje, što jany, prynamsi na słovach, nie piarečać jaje ŭstalavańniu — pakul što ŭ mianie nie vyklikaje pytańniaŭ.
Zaŭtra ci ŭ piatnicu ja budu mieć bolš peŭnuju infarmacyju. Mnie važna, kab było pryniataje rašeńnie. Pakul jaho niama.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA18
Kamientary