U pravasłaŭnych i ŭnijataŭ rozny Boh. Pra heta zajaviŭ pravasłaŭny mitrapalit Minski i Zasłaŭski, Patryjaršy Ekzarch usiaje Biełarusi Pavieł, adkazvajučy ŭ ramkach pieradačy «Hutarki ź mitrapalitam Paŭłam», jakaja vyjšła 27 studzienia na telekanale «Sojuz», na pytańni homielskich viernikaŭ, paviedamlaje Krynica.info. Videa hutarki pryvodzić partał «Carkva».
U listapadzie 2017 hoda pa telekanale «Biełaruś-1» vyjšaŭ siužet pra kaścioł ŭ vioscy Biarozaŭka Viciebskaj vobłaści, u jaki miascovy katalicki śviatar Marek Pasiut zaprašaje i pravasłaŭnych viaskoŭcaŭ, bo najbližejšaja carkva znachodzicca za 10 kiłamietraŭ ad vioski. «Ja nie chaču naviazvać katalicki kaścioł, chaču prosta dapamahčy siemjam, dapamahčy dzieciam, dapamahčy ludziam viarnucca da chryścijanskich karanioŭ paśla ateizmu», — adznačyŭ u siužecie probašč.
Pry hetym kala kaścioła ŭstalavanaja skulptura, jakaja simvalizuje abjadnańnie katalickich i pravasłaŭnych kryžoŭ, a ŭ samim kaściole jość i ikony pravasłaŭnych śviatych, u tym liku Sierafima Saroŭskaha i Jefrasińni Połackaj. Taksama pry chramie navučajucca i dzieci dźviuch kanfiesij.
Adkazvajučy na pytańnie homielskich viernikaŭ, mitrapalit pryznaŭ, što pravasłaŭnyja Biarozaŭki sapraŭdy nie majuć svajoj carkvy i tamu chodziać na słužby ŭ kaścioł. «Adzin budynak vykarystoŭvajuć i pravasłaŭnyja, i kataliki. Ale heta ni ŭ jakim razie nie źjaŭlajecca niejkaj unijaj. Zadača ŭnijataŭ — skazać, što ŭ nas adzin Boh. Vybačajcie, dyk u nas nie adzin Boh, siabry maje. U vas svoj Boh, bo vy pa-inšamu ŭ Boha vierycie. Vy pa-inšamu jaho vyznajacie. Boh sapraŭdy adzin, ale ŭ karparacyi svoj boh, u niejki siektanckaj arhanizacyi — svoj. Jany da našaha supolnaha Tvorcy i Hospada nijakaha dačynieńnia nie majuć. Hospad ža ŭ Jevanhielli kazaŭ: «U vas čerava — Boh, u vas mamona — Boh». U jazyčnikaŭ ža taksama idał — boh. Ale dla nas, pravasłaŭnych, heta cacanka. Hetak ža i ŭnijaty», — adznačyŭ ijerarch.
Kažučy pra situacyju źmiešanych pravasłaŭna-katalickich siemjaŭ u Biełarusi, mitrapalit skazaŭ, što nie varta ŭmiešvacca ŭ heta, kali siemji «žyvuć u miry i zhodzie» i pakul «nie saśpieli stać pravasłaŭnymi».
Akramia taho, Patryjaršy Ekzarch zajaviŭ, što «ŭ Francyi, u Bielhii» «katalikoŭ praktyčna niama», a chramy kataliki ci pradajuć, ci zdajuć u arendu.
Adznačym, što padčas ekumieničnaj malitvy 21 studzienia ŭ Minsku sa słovam pryvitańnia ad mitrapalita Paŭła vystupiŭ kiraŭnik Sinadalnaha adździeła BPC protaijerej Mikałaj Koržyč. Jon adznačyŭ važnaść taho, što inicyjatyva sabracca naležyć Katalickamu Kaściołu i arcybiskupu Tadevušu Kandrusieviču. «Heta nahadvaje nam słovy Chrysta, kab «usie byli adno». Na žal, śviet nie zachoŭvaje hetaha. Siońnia taki čas, kali chryścijanie, kab zachavać chryścijanskuju vieru, pavinny abjadnać svaje namahańni», — zajaviŭ protaijerej.
A, zhodna z daśledavańniami WIN/Gallup International, Biełaruś uvajšła ŭ top-20 samych nierelihijnych krain u śviecie.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary