Samalot «Boinh-737-500» avijakampanii «Aerafłot-Nord» raźbiŭsia ŭ noč na niadzielu ŭ rasiejskaj Piarmi. Zahinuli ŭsie pasažyry. Biełarusaŭ na borcie nie było.
Samalot «Boinh-737-500» avijakampanii «Aerafłot-Nord» raźbiŭsia ŭ noč na niadzielu ŭ rasiejskaj Piarmi. Zahinuli ŭsie 6 členaŭ ekipažu i 82 pasažyry, u tym liku siamiora dziaciej. Achviarami katastrofy aproč hramadzian Rasiei stali 7 azerbajdžancaŭ, 5 ukraincaŭ, a taksama hramadzianie Kitaju, Turcyi, Niamieččyny, Italii, Francyi i ZŠA. Biełarusaŭ na borcie samalota nie było.
Katastrofa zdaryłasia ŭ 2:10 pa mienskim časie. Kali samalot užo zachodziŭ na pasadku, suviaź ź im abarvałasia. Jon abrynuŭsia na tranśsibirskuju čyhunku ŭ haradzkoj miažy Piarmi, na nievialički niezabudavany łapik miž haradzkimi rajonami. Na ziamli, pavodle papiarednich źviestak, nichto nie paciarpieŭ.
Hetym rejsam z Maskvy lacieŭ hienerał-pałkoŭnik Hienadź Trošaŭ, udzielnik bajavych dziejańniaŭ u Čačni, daradca rasiejskaha prezydenta. Čačenski prezydent Ramzan Kadyraŭ užo zajaviŭ, što nazavie imiem rasiejskaha hienerała vulicu ŭ Hroznym.
U Piermskim krai ŭ paniadziełak budzie abvieščana žałoba.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary