Juraś Ziankovič: «Heta narmalna, što ŭ vojsku zdarajucca nadzvyčajnyja stanoviščy i što navat hinuć ludzi»
Patencyjny kandydat u prezidenty ad Partyi BNF Juraś Ziankovič na svajoj staroncy ŭ fejsbuku vykazaŭsia adnosna našumiełaha vypadku z samahubstvam u vajskovaj čaści ŭ Piečach pad Barysavam.
«Chłopčyki i dziaŭčynki, a z čaho vy vyrašyli, što vojska pavinnaje być marskim kurortam, jak ciapier modna kazać, all inclusive? Vojska — heta vojska, i ŭ im pavinna być žorstka. Bo inakš nie vychavaješ sapraŭdnaha žaŭniera - abaroncu Ajčyny.
I heta narmalna, što ŭ vojsku zdarajucca nadzvyčajnyja stanoviščy, i što navat hinuć ludzi. Heta zdarajecca i ŭ biełaruskim, i ŭ polskim, i ŭ niamieckim, i ŭ amierykanskim vojsku. Ludzi traplajuć u stresavuju situacyju i niekatoryja nie vytrymlivajuć psichałahična i łamajucca», — miarkuje Ziankovič.
Ziankoviča aburaje, što hramadstva adrazu pryniało toje, što vojska vinavataje ŭ dadzienaj situacyi.
«U nas takoje vojska, jakoje jość, i inšaha nie budzie. Dakładniej, jano moža być inšym, ale pad inšym ściaham — chutčej za ŭsio, pad trykałoram. Kali my chočam, kab našaje vojska vykanała svaju zadaču — abaraniła nas ad vorahaŭ — davajcie stavicca da jaho i da ludziej, jakija tam słužać, z pavahaj. Samaje mienšaje, što ciapier my možam zrabić — heta spynić isteryku ŭ hramadztvie i patrabavać abjektyŭnaha rasśledvańnia, nie robiačy vysnovaŭ raniej za čas», — ličyć spadar Juraś.
Na dumku Ziankoviča, ciapier treba stavić pytańnie pastanoŭki vojska na hramadski kantrol cyvilnych čynoŭnikaŭ i hramadskich arhanizacyj.
Juraś Ziankovič žyvie ŭ ZŠA (pamiž Kałarada i Ńju-Džersi) i Biełarusi. Na apošnim źjeździe Partyi BNF jon abvieściŭ ab svaim žadańni stać prezidentam Biełarusi.
Čytajcie:
«Vychodź, padła». Uskryvajucca strašnyja padrabiaznaści śmierci sałdata i situacyi ŭ Piečach uvohule. Vina — na «šakałach»
***
Na telehram-kanał «Našaj Nivy» možna padpisacca tut.
-
Jak prachodziać palavyja zbory ŭ školnikaŭ — šturmavać akopy i raźbirać aŭtamaty vučać i dziaŭčat
-
Łukašenka zaklikaŭ Armieniju być akuratnaj. «Kab nie paŭtaryć toje, što adbyłosia va Ukrainie»
-
Stała viadoma pra vyzvaleńnie Alaksandra Aranoviča — kiroŭcy aŭtadoma «Krainy dla žyćcia», jakoha aryštavali razam ź Cichanoŭskim
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ35
Kamientary