U stalicy Rasii Maskvie paśla zvankoŭ ab miniravańni evakujavali čatyry čyhunačnyja vakzały, paviedamlaje RBK.
«Kazanski, Kurski, Biełaruski i častkova Kijeŭski vakzały evakujavanyja. Pastupiŭ ananimny zvanok na telefon 02 ab miniravańni vakzałaŭ», — skazaŭ pres-sakratar dyrekcyi čyhunačnych vakzałaŭ RČ Cimur Sockaŭ.
«Na ŭsich vakzałach pracujuć śpiecyjalnyja i kinałahičnyja słužby. Na raskład ciahnikoŭ i na ruch heta nijak nie ŭpłyvaje», — rastłumačyŭ Sockaŭ.
Za dzień 6 kastryčnika paśla zvankoŭ ab miniravańni byli evakujavanyja dziasiatki budynkaŭ. Pavodle danych FSB, za «telefonnym teraryzmam» stajać čaćviora rasijan.
Rasijski «Interfaks», spasyłajučysia na infarmavanuju krynicu, piša ab evakuacyi zvyš za 20 tysiač čałaviek z bolš čym 70 abjektaŭ u Maskvie z-za chvali ananimnych paviedamleńniaŭ pra pahrozy vybuchu.
Pa słovach surazmoŭcy ahienctva, nieviadomyja «zaminiravali» 73 abjekty.
Kamientary