«Nie prasi prabačeńnia». Maci napisała žyćciovy list svajoj piacihadovaj dačce
Błohierka Toni Chamier nadrukavała list da svajoj piacihadovaj dački Lilijan, dzie koratka tłumačyć, što ŭ žyćci nasamreč važna, a na što nie varta źviartać uvahi. Hety dopis u fejsbuku za tydzień pierapościli amal siem tysiač razoŭ.
Majoj dačce.
Nie prasi prabačeńnia, kali chtości ŭrežacca ŭ ciabie na vulicy.
Nie kažy: «Prabačcie, što turbuju». Ty nie turbuješ. Ty asoba sa svaimi dumkami i pačućciami i zasłuhoŭvaješ pavahi.
Nie prydumlaj pryčyny, čamu ty nie možaš pajści niekudy z chłopcam, kali prosta nie chočaš. Ty nikomu nie pavinna tłumačyć. Prostaha «nie, dziakuj» pavinna być dastatkova.
Nie razdumvaj nad tym, što ty možaš źjeści na ludziach. Kali ty hałodnaja, ješ, i ješ toje, čaho tabie chočacca. Kali ty chočaš picu, nie biary sałatu prosta tamu, što vakoł ciabie inšyja ludzi. Zamoŭ čortavu picu.
Nie adroščvaj doŭhija vałasy, kab zrabić ščaślivym kahości inšaha.
Nie nadziavaj sukienki, kali ty hetaha nie chočaš.
Nie zastavajsia doma, tamu što tabie niama z kim kudyści pajści. Vyhulaj siabie sama. Pražyvaj usio, što zdarajecca, sama i dla siabie.
Nie strymlivaj ślozy. Kali ty płačaš, značyć, jość niešta, što tabie treba vypuścić vonki. Heta nie słabaść. Heta značyć być čałaviekam.
Nie ŭśmichajsia, tamu što niechta skazaŭ uśmichacca.
Nie bojsia śmiajacca nad ułasnymi žartami.
Nie kažy «tak» tolki dziela vietlivaści. Kažy «nie», tamu što heta tvajo žyćcio.
Nie chavaj svaich dumak. Vykazvajsia i rabi heta adkryta. Ty pavinna być pačutaj.
Nie prasi prabačeńnia za toje, što ty taja, chto ty jość. Budź mužnaj, śmiełaj i pryhožaj. Budź biessaromnaju saboju.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary