Alaksandr Łukašenka nie suprać «valnadumstva» siarod studenctva, ale abaviazkova razam z patryjatyčnym vychavańniem. Pra heta jon zajaviŭ siońnia, prymajučy rašeńni ab pryznačeńni šerahu kiraŭnikoŭ VNU.
«Studenty — valnadumcy. My sami takimi byli. Nie viedaju, jak vy, a ja dakładna. Tamu nie treba ŭ ich hetuju žyłku i strunku dušyć», — padkreśliŭ biełaruski kiraŭnik.
«Ale ich treba vychoŭvać patryjotami našaj krainy, kab nie atrymałasia tak, što my tracim tut hrošy na ich vychavańnie, a zaŭtra jany zaviarnulisia, pracujuć nieviadoma dzie i tołku ad hetaha krainie niama», — dadaŭ Alaksandr Łukašenka.
Kiraŭnik dziaržavy taksama padkreśliŭ asablivuju rolu rektaraŭ VNU i značnaść hetaj pasady. «Jak tolki vy vyjdziecie za paroh hetaha kabinieta, vy - ludzi prezidenta. Vy ažyćciaŭlajecie jaho palityku. U advarotnym vypadku nie treba zhadžacca i iści na hetyja pasady. Maju palityku vy viedajecie: kali ja niedzie budu kazać nie tak i budu nie mieć racyi, vy mnie skažycie adrazu. Rašeńnie pryniata, pramaŭčali — vykonvajcie. Heta datyčycca ŭsich, - skazaŭ Alaksandr Łukašenka. — Što tyčycca rektaraŭ, heta asablivyja ludzi. Heta ludzi, jakija kujuć budučyniu, elitu našaj krainy».
Jon padkreśliŭ, što biez vysakakłasnych śpiecyjalistaŭ, jakich rychtujuć u VNU, nie moža raźvivacca nivodnaja dziaržava. «Tamu ja nadaju asablivuju ŭvahu pracy z rektarskim składam. Mnie pierš za ŭsio patrebny paradak.
U VNU pavinien być paradak», — skazaŭ jon.
Kiraŭnik dziaržavy taksama adznačyŭ, što vykładčyki VNU, dzie jon vučyŭsia, akazali na jaho značny ŭpłyŭ. «Heta zavobłačnyja byli ludzi. I dastatkova svabodalubnyja ludzi, ź jakimi ja siabravaŭ, užo byŭšy prezidentam, naviedvajučy univiersitet. My ź imi asabista sustrakalisia, jany na mianie paŭpłyvali značna. Jany mieli svoj punkt hledžańnia, piśmienna jaho vykazvali», — raspavioŭ biełaruski lidar.
«Ja zaŭsiody rektaram zajzdrošču. Liču, što heta samaja vydatnaja pasada dla čałavieka. Ty i vykładčyk, i ŭ toj ža čas kiraŭnik hetych vykładčykaŭ. Jak trapiŭ u VNU, z tych časoŭ liču, što rektar - heta viaršynia ŭsiaho. U mianie takoje mierkavańnie skłałasia. Tamu šanujcie hetuju pasadu i adpaviadajcie joj pa samych vysokich standartach», - kazaŭ Alaksandr Łukašenka.
Jon taksama papiaredziŭ novych rektaraŭ ab niedapuščalnaści jakich-niebudź karupcyjnych prajaŭ u ich pracy. «Nijakich siabroŭ u płanie taho, što «ja tabie zrablu, ty - mnie» i hetak dalej, i tamu padobnaje. Heta biada, trahiedyja budzie ŭ vašym žyćci. Heta adzinaje, ad čaho ja nie zmahu vas abaranić. Nikoha nie zmahu abaranić. navat svaich synoŭ. Tamu budźcie vielmi akuratnyja i aściarožnyja, budźcie spraviadlivyja», - padkreśliŭ jon.
Kamientary