2 listapada ŭ vialikaj zale KZ «Minsk» adbudziecca vialiki solny kancert Źmitra Vajciuškieviča «25 hadoŭ na scenie». U śviatočnaj imprezie voźmie ŭdzieł hurt WZ-Orkiestra, a taksama admysłovyja zaprošanyja hości, imiony jakich buduć abvieščany paźniej.
Źmicier Vajciuškievič — śpiavak i muzyka, kampazitar i pradziusar, uładalnik šmatlikich uznaharod i hanarovych zvańniaŭ. Svaju karjeru jon pačynaŭ u fołk-hurcie «Pałac» (1992—1998), potym razam ź Vieranikaj Kruhłovaj staŭ adnym z hałoŭnych simvałaŭ Kriwi (1997—2001).
Na pačatku 2000-ch Vajciuškievič raspačaŭ paśpiachovuju solnuju karjeru, u miežach jakoj jon prajšoŭ šlach ad fołk-apracovak da sučasnaj nacyjanalnaj pieśni — nie fołkavaj pa svajoj sutnaści, ale biespamyłkova biełaruskaj pa svaim muzyčnym i liryčnym pachodžańni. Pra heta krasamoŭna śviedčać usim viadomyja «Raskažy mnie pra doždž», «Miesiac — žoŭtaja łodka», «Ja išoŭ da ciabie», «Dačakajsia, matula» i šmat inšych.
Zaraz na rachunku Źmitra bolš za 15 albomaŭ i kancertnych prahram na vieršy viadomych biełaruskich paetaŭ: Ryhora Baradulina, Alesia Kamockaha, Uładzimira Niaklajeva, Hienadzia Buraŭkina, Uładzimira Karatkieviča, Adama Rusaka i inšych. Šmat chto navat žartuje, što dla prapahandy biełaruskaj paezii Vajciuškievič zrabiŭ bolš, čym Ministerstva kultury.
— Płanujem vialiki kancert sa śviatočnym nastrojem i dobrymi pieśniami. Heta budzie padarožža praz roznyja časy, hurty i prahramy. Prahučać pieśni, jakija viedajuć usie. Navat tyja, jakija ja ŭžo daŭno nie vykonvaŭ, — kamientuje Źmicier Vajciuškievič.
2 listapada — KZ «Minsk» — 19:00
Kvitki: ad 20 da 28 rubloŭ
Prodaž: kasy i sajt Kvitki.by, kasa KZ «Minsk»
Infalinija: (033) 661 14 32
Ciapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ10
Kamientary