Prezident Ukrainy Piatro Parašenka ličyć, što Rasija rychtujecca da poŭnamaštabnaj vajny. Pa jaho słovach, pra heta śviedčać rasijska-biełaruskija vajennyja vučeńni «Zachad-2017».
Vystupajučy va ŭkrainskim parłamiencie, Parašenka padkreśliŭ, što Rasija nie tolki nie źbirajecca pakidać Krym i Danbas, ale płanuje bujnamaštabnuju vajnu, paviedamlaje Radyjo Polšča.
«Nie vyklučana, što pad vyhladam mižnarodnych vajennych vučeńniaŭ buduć stvoranyja novyja ŭdarnyja častki rasijskich vojskaŭ z metaj uvarvańnia va Ukrainu. Siem tysiač sastavaŭ z sałdatami i vajennaj technikaj nabližajucca da miežaŭ z Ukrainaj, i niama harantyi, što jany viernucca ŭ Rasiju paśla manieŭraŭ», — adznačyŭ Parašenka.
Prezident Ukrainy taksama raskrytykavaŭ niadaŭnija prapanovy Uładzimira Pucina adnosna miratvorčaj misii na ŭschodzie Ukrainy. Parašenka padkreśliŭ, što Ukraina doŭhi čas damahajecca ŭviadzieńnia miratvorcaŭ na Danbas, ale nie moža pahadzicca z umovami rasijskaha boku, to bok prysutnaściu rasijan u kantynhiencie AAN, abmiežavańniem miratvorčaj misii ŭ miežach linii raźmiežavańnia i nieabchodnaściu ŭzhadnieńnia pytańnia z prarasijskimi sieparatystami.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ112
Kamientary