Prezident Rasii Uładzimir Pucin na pieršaj sustrečy z kiraŭnikom Litvy Dalaj Hrybaŭskajcie ŭ 2010 h. ahučyŭ «śpis patrabavańniaŭ» da krainy. Pra heta Hrybaŭskajcie raspaviała ŭ intervju vydańniu Delfi.
«Z samaj pieršaj sustrečy sa spadarom Pucinym ja atrymała śpis patrabavańniaŭ, jakija pavinna vykonvać Litva: nie budavać atamnuju stancyju, abaviazkova supracoŭničać ź imi i inšyja», — raskazała prezident Litvy.
«Heta była nie prapanova siabravać abo supracoŭničać — ci ty stanovišsia na kaleni i vykonvaješ, ci ty źjaŭlaješsia voraham. Ja nie mahła pryniać takoje staŭleńnie», — dadała jana.
Hrybaŭskajcie adznačyła, što ŭstanavić siabroŭskija adnosiny z Rasijaj nie ŭdasca, pakul Maskva «hladzić na svaich susiedziaŭ ci małyja krainy padobnym čynam».
Kamientary