U subotu da +32 °C. Prahnoz nadvorja ŭ Biełarusi na 5—7 vieraśnia.
Pavodle prahnozu Respublikanskaha hidramieteacentra, u Biełarusi 5 vieraśnia budzie vobłačna z prajaśnieńniami.
Nočču miescami pa Bresckaj, Hrodzienskaj, Minskaj, Viciebskaj abłaściach, dniom na bolšaj častcy terytoryi karotkačasovyja daždžy. U asobnych rajonach navalnicy. Viecier paŭdniova-zachodni 4—9 m/s, pry navalnicach paryvy da 14 m/s. Tempieratura pavietra nočču plus 13—19°C, dniom plus 20—26°C, u paŭdniovych rajonach da plus 29°C.
Zaŭtra ŭ Minsku — vobłačna z prajaśnieńniami. Karotkačasovy doždž, mahčyma navalnica. Viecier paŭdniova-zachodni 4—9 m/s, pry navalnicy paryvy da 14 m/s. Tempieratura pavietra nočču plus 15—17°S, dniom plus 22—24°S.
U nastupnyja dvoje sutak, 6 i 7 vieraśnia, pa respublicy čakajecca ciopłaje nadvorje.
6 vieraśnia nočču ŭ asobnych rajonach karotkačasovyja daždžy, mahčymy navalnicy. Dniom 6 vieraśnia i nočču 7-ha pieravažna biez apadkaŭ.
Dniom 7 vieraśnia ŭ paŭnočna-zachodnich rajonach karotkačasovyja daždžy, navalnicy. Viecier paŭdniovy 4—9 m/s, pry navalnicach paryvy da 14 m/s.
Tempieratura pavietra nočču plus 12—19°C, dniom: 6 vieraśnia plus 22—28°C, pa paŭdni da plus 30°C; 7 vieraśnia plus 24—29°C, pa paŭdniovaj pałovie miescami plus 30—32°C.
6 vieraśnia ŭ Minsku — pieramiennaja vobłačnaść. Nočču mahčymy karotkačasovy doždž, dniom bieź istotnych apadkaŭ. Viecier paŭdniovy 4—9 m/s. Tempieratura pavietra nočču plus 15—17°S, dniom plus 25—27°S.
Kamientary