Rasija pastaŭlaje zbroju «Talibanu», zajaviŭ kiraŭnik Dziarždepartamienta ZŠA Reks Tylersan padčas bryfinhu ŭ aŭtorak, 22 žniŭnia.
«Rasija zabiaśpiečvaje zbrojaj «Taliban». Heta, vidavočna, źjaŭlajecca parušeńniem mižnarodnych normaŭ, parušeńniem normaŭ Rady biaśpieki AAN. My, viadoma ž, vystupajem suprać hetaha i zaklikajem Rasiju źviarnuć uvahu na heta», - adznačyŭ dziaržsakratar.
Pavodle jaho słoŭ, usie pastaŭki zbroi pavinny ŭzhadniacca z uładami Afhanistana. «Kali niechta i maje namier davać zbroju, to rabicca heta pavinna vyklučna praz urad Afhanistana», - zapeŭniŭ jon.
U krasaviku kamandujučy korpusam amierykanskaj armii ŭ Afhanistanie Džon Nikałsan zajaviŭ, što Pientahon atrymlivaje dadzienyja ab pastaŭkach zbroi talibam z Rasii. Da hetaha, u sakaviku, hienierał armii ZŠA i hałoŭnakamandujučy abjadnanymi siłami NATA ŭ Jeŭropie Kiercis Skaparoci kazaŭ, što Rasija pašyryła svaje kantakty z talibami.
Taksama pra padobnyja pastaŭkach pisali viasnoj-letam 2017 hoda šerah amierykanskich ŚMI.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary