Kiraŭnik navinaŭ na BT: My možam krytykavać ministerstva, haradskija abo rajonnyja ŭłady
Dyrektar Ahienctva televizijnych navinaŭ Biełteleradyjokampanii Siarhiej Husačenka daŭ intervju ahienctvu «Minsk-naviny». Siarod inšaha, jon raspavioŭ, jakich čynoŭnikaŭ mohuć krytykavać viadučyja.
— Kali kazać pra vynikovyja prahramach tydnia «Vakoł płaniety» i «Hałoŭny efir», to tut i analityka vychodzić na pieršaje miesca, jak i aŭtarskaje mierkavańnie. Tak zvanaja havoračaja hałava — farmat, na moj pohlad, sastareły, adšturchvaje, dy i hledaču, dumaju, nie asabliva cikavy. A voś pačuć mierkavańnie i pahadzicca ź im ci nie — vybar publiki pa toj bok ekrana. U dadzieny momant Ahienctva televizijnych navinaŭ nie pracuje jak suchaja infarmacyjnaja stužka, u nas jość svaja pazicyja, jakuju my i starajemsia danieści hledaču.
— Stajać na abaronie dziaržaŭnaj palityki — sprava niaŭdziačnaja?
— Nu što vy. Ja b ustrymaŭsia ad takich kateharyčnych acenak. Chutčej, heta vialikaja adkaznaść. Jakaja składajecca jašče i ŭ tym, kab staranna praviarać i abjektyŭna padavać infarmacyju, jakoj vałodaješ. Tak, my dziaržaŭnaja struktura, i ŭ pytańniach vialikaj palityki, hieapalityki naša pazicyja supadaje z pazicyjaj kiraŭnictva krainy. Ale heta nam nie zaminaje ŭ tym ža «Hałoŭnym efiry» absalutna pa spravie krytykavać ministerstva, haradskija abo rajonnyja ŭłady za niapravilnyja dziejańni abo niedapracoŭki ŭ niejkich momantach. Daloka chadzić nie treba: naprykład, u Minsku źbiralisia zakryć usie łatki pa prodažy sadaviny na vulicach. Maim kaleham hetaja tema padałasia sprečnaj, i my zrabili siužet, dzie ŭličyli mierkavańni pradaŭcoŭ, Minharvykankama, haradžan. Supadzieńnie ci nie, ale praz tydzień ŭłady admovilisia ad svaich płanaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary