Śledčym upraŭleńniem USK pa Viciebskaj vobłaści pryniataja da vytvorčaści kryminalnaja sprava, raspačataja prakuraturaj Połackaha rajona ŭ dačynieńni da słužbovych asob KUP «ŽKH h. Połacka», jakija padazrajucca ŭ pieravyšeńni słužbovych paŭnamoctvaŭ, paviedamiła aficyjny pradstaŭnik USK pa Viciebskaj vobłaści Śviatłana Sacharava.
Padstavaj dla raspačaćcia kryminalnaj spravy pasłužyli materyjały pravierki Navapołackaha mižrajonnaha adździeła UDFR KDK pa Viciebskaj vobłaści ab supraćpraŭnaj dziejnaści dyrektara i načalnika adździeła markietynhu ŽKH Połacka.
Pa materyjałach pravierki, praviedzienaj supracoŭnikami Połackaha mižrajonnaha kamiteta dziaržaŭnaha kantrolu Viciebskaj vobłaści vyjaŭlena, što ŭ pieryjad z 2014 hoda pa maj 2015 hoda słužbovyja asoby, majučy mahčymaść zakuplać miascovyja vidy paliva ŭ Połackaha lashasa pa vyhadnaj canie, bieź nieabchodnaści i abhruntavańnia zaklučyli dahavory z pryvatnymi pradpryjemstvami. U vyniku pry zakupcy draŭnianaha paliva dla patreb pradpryjemstva ŭ kamiercyjnych struktur dapuščanaje zališniaje raschodavańnie biudžetnych hrašovych srodkaŭ dziaržaŭnaha pradpryjemstva ŭ sumie bolš 467 000 rubloŭ.
Śledčyja prymianili ŭ dačynieńni da 38-hadovaha dyrektara mieru pracesualnaha prymusu — časovaje adchileńnie ad pasady. Z metaj zabieśpiačeńnia kampiensacyi škody pa miescy žycharstva padazravanych praviedzieny pieratrusu i nakładzieny aryšt na ich majomaść.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary