Druhi hod zapar biełaruski klub dabirajecca da takich vyšyniaŭ u Lizie čempijonaŭ. I kali letaś, šancy pieramahčy rumynski «Ściaŭa» byli minimalnyja, to sioleta ich pabolšała ŭ razy. Pačatak žyvoha efiru a 19:55.
Siońnia ŭ Safii na stadyjonie «Hieorhi Asparuchaŭ» projdzie pieršy matč treciaha kvalifikacyjnaha raŭndu Lihi čempijonaŭ miž miascovym «Leŭski» i barysaŭskim BATE. Druhi hod zapar biełaruski klub dabirajecca da takich vyšyniaŭ. I kali letaś, šancy pieramahčy rumynski «Ściaŭa» byli minimalnyja, to sioleta ich pabolšała ŭ razy.
Intares da hetaj sustrečy kalasalna. Pra heta jaskrava śviedčyć apytanka na sajcie «Priessboła» absalutna bolšaść amataraŭ addaje pieravahu mienavita hetaj hulni, a nie Alimpijadzie.
Trener «Leŭski» Vielisłaŭ Vucaŭ pryznajecca, što «Anderlecht» prosta niedaacaniŭ BATE, a jaho kamanda takoha nie dapuścić. Razam z tym, baŭharyn absalutna samaŭpeŭniena prahnazuje pieramohu ź likam 2:0.
Trener BATE Viktar Hančarenka kaža, što jaho nie zasmucić i haściavaja ničyja, ale poŭnaje zadavalnieńnie pryniasie tolki pieramoha, da jakoj barysaŭcy i buduć imknucca.
Praz dyskvalifikacyju nie syhraje ŭ Safii abaronca Sasnoŭski, pad pytańniem udzieł u hulni kapitana Alaksandra Jermakoviča i najlepšaha bambardzira Hienadzia Bliźniuka.
Žyvy efir a 19:55 na telekanale «Ład».
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary