#BY_help dali spravazdaču: sabrali $43 tysiačy, dapamahli 60 aryštavanym i ich siemjam
Kampanija pa zbory srodkaŭ dla zatrymanych za palityčnyja akcyi lutaha-sakavika #BY_help dała pieršuju razhornutuju spravazdaču ab raźmierkavańni srodkaŭ.
Sabrać ad 25 sakavika ŭdałosia 43 tysiačy dalaraŭ. Paśla pieršaha etapu pracy zastałosia kala 15,8 tysiačy dalaraŭ, ale źjavilisia i novyja vykliki.
Na 11,6 tysiačy dalaraŭ dapamahli 60 «sutačnikam» z płataj za ŭtrymańnie ŭ turmie, apłataj advakataŭ i składańni pieradač. Bolš jak 9 tysiač dalaraŭ pajšło na advakataŭ dla abvinavačanych u kryminalnaj spravie ab «padrychtoŭcy masavych biesparadkaŭ». 5,3 tysiačy dalaraŭ — na dapamohu siemjam aryštavanych. Jašče tysiača dalaraŭ — na dapamohu ŭ spłacie štrafaŭ pa administracyjnych spravach.
U suviazi z tym, što adnosna dvuch dziasiatkaŭ čałaviek, abvinavačanych u «padrychtoŭcy masavych biesparadkaŭ», zaviedzienaja novaja kryminalnaja sprava, a pracesy pa takich spravach doŭhija, kaardynatary kampanii vyrašyli nakiravać reštu srodkaŭ na dapamohu fihurantam hetaj spravy i ich siemjam. Kali ž kamu jašče z pakaranych štrafami abo «sutkami» za mitynhi spatrebicca dapamoha, razhladać ich vypadki buduć indyvidualna ŭ supracy z pravaabaroncami «Viasny».
Pravaabaronca Andrej Stryžak raniej kazaŭ, što «nie finansavać režym» spłataj štrafaŭ i hrošaj za «sutki» nieefektyŭna: u tych, chto nia płocić, adbirajuć majomaść, u tym liku žytło.
Jak zrabić hrašovy pieravod na dapamohu zatrymanym abo kamu pieradać hrošy asabista ŭ Biełarusi i za miažoj, pa-rasiejsku i pa-anhielsku apisana tut.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary