Upieršyniu ŭ historyi šou «Jeŭrabačańnie» viadučymi stanuć tolki mužčyny. Infarmacyju pra troch viadučych raźmiaściŭ aficyjny sajt mižnarodnaha konkursu pieśni «Jeŭrabačańnie».
U roli viadučych šou na scenie ŭ stalicy Ukrainy vyjduć Alaksandr Skičko, Uładzimir Astapčuk i Cimur Mirašničenka. Maładyja ludzi — miedyjnyja piersony i šyroka viadomyja va Ukrainie.
Alaksandr i Uładzimir voźmuć na siabie rolu haspadaroŭ konkursu i buduć vitać mižnarodnuju aŭdytoryju ŭ čas usich troch kancertaŭ: dvuch paŭfinalnych i finału. Im ža treba budzie abjavić imia novaha pieramožcy samaha maštabnaha šou Jeŭropy. Cimur budzie znachodzicca ŭ «zialonym pakoi», dzie razam z artystami budzie čakać vynikaŭ konkursu.
Vykanaŭčy supiervajzier konkursu «Jeŭrabačańnie» Džon Oła Sand ličyć, što pierśpiektyva bačyć na scenie troch viadučych vielmi cikavaja. Jon čakaje, što pieršy vopyt za 62 hady praviadzieńnia konkursu budzie ŭdałym, bo Aleś, Uładzimir i Cimur majuć hodnyja pasłužnyja śpisy, i spałučeńnie ich prafiesijanalizmu, humaru i impravizacyi daść mahčymaść dapoŭnić šou jarkimi farbami i zrabić jaho zapaminalnym.
Mižnarodny konkurs pieśni «Jeŭrabačańnie-2017» projdzie ŭ Kijevie. Finał adbudziecca 13 maja, paŭfinały — 9 i 11 maja. Biełaruś na «Jeŭrabačańni-2017» pradstavić hrupa NAVIBAND, jakaja vystupić u druhim paŭfinale ź pieśniaj «Historyja majho žyćcia».
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary