4 sakavika ŭ kłubie «Bruhie» (Partyzanski pr.,6a). 19:00.
Čym darahi nam kniaź Usiasłaŭ Połacki i čamu mienavita sioleta jość nahoda jaho ŭspomnić?
Časta zabyvajucca, što ź im źviazanaja pieršaja letapisnaja zhadka pra Minsk. I što
praz paru tydniaŭ, u sakaviku, spoŭnicca 950 hadoŭ ad dnia, jak na Niamizie sutyknulisia vojski kaalicyi paŭdniovych kniazioŭ i połackija družyny Usiasłava.
Kijeŭ, jaki ŭ tyja časy vykonvaŭ rolu «Vialikaha brata», chacieŭ pakarać Połack za zališniuju samastojnaść. Pa vyniku vyjšła ničyja: pałačanie nie pieramahli, ale i zachopniki paviarnuli nazad.
Nastupnyja paśla 1067-ha hady zrabili Usiasłava lehiendaj na tysiačahodździe.
Jon byŭ padmanam schopleny i kinuty ŭ padziamielnuju turmu ŭ Kijevie. Paśla narodnaje paŭstańnie ŭźniesła jaho na kniažaski pasad. Była pieramoha nad kačeŭnikami-połaŭcami, jakija pahražali Kijevu, było tajemnaje viartańnie ŭ Połack…
Zaprasta možna było b źniać pra ŭsio heta sieryjał, nakštałt «Vikinhaŭ».
Tym bolš, što ŭ žyłach Usiasłava ciakła skandynaŭskaja kroŭ i jon byŭ niepradkazalny jak Rahnar Łodbrak.
Ale, pakul toje kino, biełaruskija muzyki stvaryli pra Usiasłava rok-opieru «Čaradziej».
Heta prajekt rok-hurtu «U nieskładovaje» i studentaŭ Instytuta sučasnych viedaŭ imia A.Šyrokava.
Čatyry hady muzyka Raman Arłoŭ (darečy, adzin z stvaralnikaŭ J:mors i syn piśmieńnika Uładzimira Arłova) razam z kamandaj, možna skazać, pa kavałkach źbirali «Čaradzieja».
Rok-opiera maje absalutna amatarski pačatak, ale pry hetym zroblena na prafiesijnym uzroŭni. Heta moža być cikavy dośvied dla vas — pabačyć jak na ŭłasnych inicyjatyvach ludzi robiać ciažkuju mastackuju pracu.
U prajekcie ŭziali ŭdzieł studenty Instytuta Sučasnych Viedaŭ imia Šyrokava, salisty fiłarmaničnaha ansamblu «Kupalinka» Uładzimir Ściapankoŭ i Volha Kaściučenka. Režysioram prajekta staŭ Uładzimir Arcimiedaŭ, muzyčnym afarmleńniem zajmajucca muzyki z hurtoŭ «U nieskładovaje», «The Road Dogs», ansamblu «Kupalinka» i «Charoški».
Stvaralniki šou abiacajuć ździvić sučasnym multymiedyjnym afarmleńniem.
Pavodle siužetu, Usiasłaŭ Čaradziej traplaje ŭ kijeŭskuju viaźnicu i vyklikaje sabie na dapamohu Kasiu, dziaŭčynu z sučasnaj Biełarusi.
Usiasłaŭ adpraŭlajecca ŭ budučyniu, a Kasia padarožničaje ŭ minułaje — hieroi sustrakajucca i…
Ale nie budziem spojleryć.
Zirnicie lepš praniźlivy tyzier opiery:
Fołk-rok opieru «Čaradziej» možna budzie pabačyć 4 sakavika ŭ kłubie «Bruhie» (Partyzanski pr., 6a). Pačatak a 19:00.
Kamientary