Urad Vialikabrytanii apublikavaŭ «Biełuju knihu», u jakoj pradstaŭleny płan pa vychadzie krainy ź ES, paviedamlajuć infarmahienctvy.
Jak adznačyŭ brytanski ministr pa spravach Brexit Devid Devis, płan pa vychadzie Vialikabrytanii ź ES uličvaje, što dla krainy važna pakinuć adziny jeŭrapiejski rynak i dasiahnuć pahadnieńnia ź ES ab biaspošlinnym handli.
U dakumiencie zamacavanyja 12 pryncypaŭ, jakimi budzie kiravacca ŭrad u pracesie Brexit.
U dakumiencie ŭrad abiacaje viarnuć «kantrol nad našymi zakonami», heta značyć vyvieści Brytaniju z-pad jurysdykcyi suda Jeŭrapiejskaha sajuza.
Taksama ŭrad abiacaje bolš kantralavać imihracyju z krain ES, zaklučyć novaje pahadnieńnie ab zonie svabodnaha handlu i mytnym sajuzie ź ES, a taksama padobnyja pahadnieńni ź inšymi krainami.
Brytanija praciahnie supracoŭnictva ź Jeŭrasajuzam u baraćbie z teraryzmam i złačynnaściu, a taksama abiacaje abaraniać status hramadzian ES, užo jakija žyvuć na terytoryi krainy.
Urad abiacaje taksama zabiaśpiečyć «peŭnaść i prazrystaść» u pieramovach i miakki praces vychadu ź ES.
«Biełaja kniha» źjaŭlajecca aficyjnym dakumientam, u jakim brytanski ŭrad detalizuje praceduru Brexit. Čakajecca, što premjer-ministr Vialikabrytanii Tereza Mej zapuścić miechanizm Brexit 9 sakavika padčas dvuchdzionnaha samitu ES na Malcie.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»59
Kamientary