1 studzienia aficyjna abvieščana imia novaha pasła Izraila ŭ Minsku, pieradaje Radyjo Svaboda. Na hetaj pasadzie zaćvierdžany Ałon Šocham — prafesijny dypłamat, vychadziec z Łatvii. Pra heta pryznačeńnie, jak paviedamlaŭ BiełaPAN, havaryli jašče ŭ listapadzie.
Raniej Šocham pracavaŭ kiraŭnikom konsulskaha departamientu MZS Izraila. Viasnoj 2016 hodu na praciahu miesiaca Šocham byŭ u Biełarusi i zajmaŭ pasadu časovaha pavieranaha ŭ spravach Izraila.
U žniŭni 2015 hoda było abvieščana pra rašeńnie ŭrada Izraila zakryć pasolstva ŭ Biełarusi, a ŭ sakaviku 2016 było pryniata rašeńnie zachavać pradstaŭnictva ŭ Minsku, ale było nieviadoma, u jakim mienavita farmacie i składzie jano budzie pracavać.
Z 26 listapada 2015 hodu pamiž Izrailem i Biełaruśsiu dziejničaje biaźvizavy režym.
Kamientary