Internet-supołka «Tvoj Minsk» apublikavała navinu pra prychod rasijskaha brendu adzieńnia «Nikifilini» ŭ Minsk. Supołka adznačyła, što ŭ Rasii hetyja śvitšoty karystajucca šalonym popytam, vyrablajuć ich na miascovych vytvorčaściach, a nie ŭ Kitai, tamu ich jakaść vielmi vysokaja.
U jakaści fota byŭ abrany śvitšot «Mister Putin», prodažam jakich i zajmajecca «Nikifilini».
U kamientarach ludzi aburylisia, što bajki z «samym vietlivym» čałaviekam buduć pradavacca ŭ Biełarusi. «Što jašče možna čakać ad «vysokaduchoŭnych»? Pravilna, zachapleńnie dyktataram», — napisaŭ karystalnik «eraserhead37» u kamientarach da naviny.
Zbolšaści brend vyrablaje sučasnuju moładzievuju vopratku z kalarovymi pryntami, ale bajka z Pucinym pryciahnuła da siabie ŭvahu. Chutčej za ŭsio, heta byŭ pijar-chod dla pryciahnieńnia ŭvahi. Ale ŭ kamientarach da taho ž fota karystalnik «neskychni_sadik» adznačyŭ: «Ja dumaju, što z takimi malunkami vam nie doŭha prapracavać u Biełarusi. Pachabna».
Ale, akramia bajki, u prodažy jość i majka z anałahičnaj vyjavaj:
Sama kampanija nazyvaje adzieńnie z vyjavaj Pucina samym chadavym tavaram.
Jak vy staviciesia da taho, kab u Biełarusi pradavali rečy z prezidentami inšych krain? Vykazvajciesia ŭ kamientarach!
Kamientary