Ministerstva justycyi pryniało rašeńnie ab spynieńni dziejańnia śpiecyjalnych dazvołaŭ (licenzij) na prava ažyćciaŭleńnia dziejnaści pa akazańni ryełtarskich pasłuh, vydadzienych trom kampanijam, paviedamlaje BiełaPAN.
U aficyjnaj zajavie Miniusta havorycca, što licenzij pazbaviłasia tavarystva z abmiežavanaj adkaznaściu «Siciłend» i pryvatnaje ŭnitarnaje pradpryjemstva pa akazańni pasłuh «ZiemNieruchomaść».
«Pryčynaj spynieńnia dziejańnia licenzij źjavilisia vyjaŭlenyja hrubyja parušeńni zakanadaŭstva ab licenzavańni, licenzijnych patrabavańniaŭ i ŭmoŭ», — havorycca ŭ paviedamleńni Miniusta.
Dziejańnie licenzij spyniajecca 24 listapada 2016 hoda. Jak tłumačyć Miniust, dla skasavańnia zaklučanych sa zhadanymi ryełtarskimi kampanijami dahavoraŭ na akazańnie pasłuh spažyŭcam nieabchodna źviartacca ŭ hetyja kamiercyjnyja arhanizacyi.
Akramia hetaha, pavodle źviestak Miniusta, 15 listapada 2016 hoda było pryniataje rašeńnie ab anulavańni licenzii, vydadzienaj pryvatnamu ryełtarskamu ŭnitarnamu pradpryjemstvu «Adries'», u suviazi z vydačaj licenzii «na padstavie padadzienych jaje spašukalnikam niesapraŭdnych źviestak».
«Ministerstva justycyi čarhovy raz źviartaje ŭvahu kiraŭnikoŭ ryełtarskich arhanizacyj na nieabchodnaść niaŭchilnaha vykanańnia patrabavańniaŭ zakanadaŭstva, jakoje rehuluje ryełtarskuju dziejnaść. Parušeńni, padobnyja vyjaŭlenym, pavinny być vyklučanyja z pracy ryełtarskich arhanizacyj», — padkreślivajecca ŭ zajavie ministerstva ŭ suviazi z pryniatymi rašeńniami.
Nahadajem, 30 maja 2016 hoda Ministerstva justycyi pazbaviła licenzii na prava ažyćciaŭleńnia ryełtarskich pasłuh dva staličnyja ahienctvy nieruchomaści — TAA «Ahienctva nieruchomaści «Akademičnaje» i TAA «Biźnies nieruchomaść», a 23 červienia — adno z najstarejšych i bujnych ahienctvaŭ nieruchomaści «Pakadan».
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary