Biełaruskija desantniki «źniščyli atrad bajevikoŭ» pad Viciebskam
Pad Viciebskam prajšło taktyčnaje vučeńnie z bajavoj stralboj parašutna-desantnaha bataljona 103-j asobnaj hvardziejskaj pavietrana-desantnaj bryhady, piša vsr.mil.by
Desantniki praviali kontrdyviersijnyja dziejańni pa pošuku i źniščeńni «umoŭnych niezakonnych uzbrojenych farmavańniaŭ».
U vučeńni prymała ŭdzieł 1-ja mabilnaja rota razam z raźviedvalnymi, zienitnymi, haŭbičnymi i hranatamiotnymi padraździaleńniami bryhady.
Spačatku desantniki šukali praciŭnika, błakiravali i źniščyli jaho. Zaniali pazicyi, arhanizavali ŭsiebakovaje zabiaśpiačeńnie i achovu. Atrymali novy zahad, šukali schovišča zbroi niezakonnaha ŭzbrojenaha farmavańnia (NUF), potym viali boj ź vialikim atradam bajavikoŭ.
Na nastupnym etapie (vučeńni doŭžylisia dvoje sutak, padčas jakich sałdaty i aficery amal nie spali) da desantnikaŭ dałučylisia terytaryjalnyja vojski.
Ciapier bataljon praviadzie bataljonnyja vučeńni, kab zamacavać navyki ŭzajemadziejańnia ŭsich padraździaleńniaŭ ŭsioj bajavoj adzinki.
U vieraśni vialikija vučeńni praviała 19-ja asobnaja miechanizavanaja bryhada biełaruskaj armii — razam z vojskami MUS jana błakavała, a potym źniščyła praciŭnika, jakoha aficyjna nazyvali «sieparatystami».
Siužet vieraśnioŭskaha vučeńnia vielmi nahadvaŭ pieršy etap uzbrojenaha supraćstajańnia na Danbasie — kali atrad pad kiraŭnictvam aficera FSB RF Ihara Hirkina («Strałkova») zachapiŭ ukrainski horad Słaviansk i pačaŭ viarboŭku ŭ svoj skład miascovaha nasielnictva.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary