U hetyja vychodnyja dni, 1 i 2 kastryčnika, čakajecca ciopłaje, ale daždžlivaje nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
Pavodle jaho słoŭ, umovy nadvorja na terytoryi Biełarusi buduć vyznačać atmaśfiernyja franty i ciopłaja pavietranaja masa, jakaja pastupaje z paŭdniovaha zachadu Jeŭropy.
U subotu nočču i ranicaj na bolšaj častcy terytoryi, dniom miescami karotkačasovyja daždžy. U načnyja i ranišnija hadziny ŭ asobnych rajonach słaby tuman. Tempieratura pavietra ŭnačy plus 9—15°S, dniom plus 16—22°S, pa poŭdni plus 23—25°S.
U niadzielu miescami karotkačasovyja daždžy. Nočču i ranicaj u asobnych rajonach tuman. Tempieratura pavietra ŭnačy plus 8—14°S, dniom plus 16—23°S, pa poŭdni da plus 25°S.
U pačatku tydnia terytoryja Biełarusi budzie znachodzicca pad upłyvam bolš aktyŭnych atmaśfiernych frantoŭ, jakija rušać z Zachodniaj Jeŭropy.
U paniadziełak, 3 kastryčnika, nočču miescami, dniom na bolšaj častcy krainy karotkačasovyja daždžy, ranicaj i dniom pa zachadzie miescami mocnyja daždžy. Nočču i ranicaj u asobnych rajonach tuman. Tempieratura pavietra ŭnačy plus 10—15°S, dniom plus 15—22°S.
«Dalej istotna pachaładaje», — adznačyŭ sinoptyk.
U aŭtorak na bolšaj častcy terytoryi karotkačasovyja daždžy, u asobnych rajonach mocnyja daždžy. Dniom miescami ŭzmacnieńnie vietru paryvami da 15—20 m/s. Tempieratura pavietra ŭnačy plus 6—12°S, dniom plus 8—14°S, pa ŭschodzie miescami da plus 16°S.
U sieradu i čaćvier miescami karotkačasovyja daždžy. Tempieratura pavietra ŭnačy plus 3—8°S, dniom plus 6—13°S.
Maryna Nosava, BiełaPAN.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary