Pra heta napisaŭ u svaim tvitary Hievin Šmidt, kiraŭnik Instytuta kaśmičnych daśledavańniaŭ imia Hobarda ŭ NASA. Dadzienyja možna pabačyć u bazie klimatyčnych nazirańniaŭ NASA.
Pavodle padlikaŭ NASA, siaredniaja tempieratura ŭ lipieni była na 0,84 hradusa pa Celsii vyšej siaredniaj za hety ž miesiac u 1950-1980 hady i na 0,18 hradusa vyšej raniejšaha rekordu, zafiksavanaha ŭ lipieni 2015 hoda.
Hety rekord — nie pieršaje «antydasiahnieńnie» klimatu Ziamli. Da hetaha dzieviać miesiacaŭ zapar taksama akazvalisia samymi śpiakotnymi ŭ historyi. Lipień ža pabiŭ absalutny rekord samaha śpiakotnaha miesiaca ad času pačatku rehistracyi mieteanazirańniaŭ u 1880 hodzie.
«Samaje strašnaje, što my ruchajemsia ŭ tuju epochu, kali siurpryzam budzie miesiac biez tempieraturnaha rekordu», — skazaŭ vydańniu News.com Krys Fiłd, klimatołah ź Instytuta Karnehi i Stenfardskaha ŭniviersiteta.
Ličycca, što surjoznyja prablemy ŭ našaj płaniety pačnucca paśla taho, jak rost tempieratury ŭ paraŭnańni z daindustryjalnym pieryjadam pieravysić dva hradusy. U Arktycy klimatyčnyja zruchi adčuvajucca asabliva mocna: tam užo pačali mihravać maržy i drapiežnyja ryby.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary