Kolkaść zahinułych u vyniku vybuchu śmiarotnika ŭ balnicy ŭ pakistanskim horadzie Kvieta vyrasła da 69 čałaviek, jašče 120 čałaviek byli paranienyja, zajaŭlajuć ułady.
Vybuch adbyŭsia la ŭvachodu ŭ adździaleńnie reanimacyi, kudy niezadoŭha da hetaha dastavili cieła viadomaha advakata Bilala Kasi, zabitaha pa darozie ŭ sud na niekalki hadzin raniej. Takim čynam, asnoŭnymi achviarami napadu stali advakaty i žurnalisty, jakija pryjšli raźvitacca z Kasi. Uśled za vybucham pačulisia aŭtamatnyja čerhi, paviedamlajuć śviedki.
Premjer-ministr krainy Navaz Šaryf asudziŭ napad. Kiraŭnik urada pravincyi Biełudžystan, u svaju čarhu, zaklikaŭ akazać paciarpiełym jak maha bolš poŭnuju i apieratyŭnuju miedycynskuju dapamohu.
Prezident Asacyjacyi kalehii advakataŭ Pakistana nazvaŭ toje, što adbyłosia, «atakaj na pravasudździe»
Adkaznaść za napad uziała hrupoŭka «Džamaat-ul-Achrar», jakaja ŭvachodzić u skład ruchu pakistanskich talibaŭ, paviedamlaje Rejter. Taja ž hrupoŭka zajaŭlała ab dačynieńni da vybuchu ŭ parku pakistanskaha Łachora ŭ sakaviku hetaha hoda: tady zahinuli 72 čałavieki, u tym liku mnostva dziaciej.
-
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary