Pry zachopie zakładnikaŭ u carkvie u horadzie Sent-Ećjen-dziu-Ruŭr kala Ruana ŭ Narmandyi zahinuŭ 84-hadovy śviatar. Pra heta paviedamlaje Le Figaro sa spasyłkaj na krynicy ŭ palicyi. Jašče adzin zakładnik atrymaŭ ranieńni.
U napadzie ŭdzielničali dva čałavieki, jany byli ŭzbrojeny nažami. U vyniku palicejskaj apieracyi złačyncy byli zabityja.
Usiaho ŭ zakładniki trapili piać čałaviek — śviatar i čaćviora viernikaŭ. Palicyju vyklikała adna z słužak carkvy, jakoj udałosia źbiehčy ad złačyncaŭ.
Paźniej prezident Francyi Fransua Aland zajaviŭ, što napadniki zajavili pra svaju prychilnaść «Isłamskaj dziaržavie». Kiraŭnik dziaržavy nazvaŭ padziei «hniusnym teraktam».
«Pahroza zastajecca vielmi vysokaj. My pavinny vieści vajnu [suprać ID] usimi srodkami», — padkreśliŭ Aland.
Pa dadzienych Le Point, mužčyny kryčali «Ałachu Akbar!». The Telegraph sa spasyłkaj na palicyju, u svaju čarhu, piša, što pierad tym, jak pierarezać horła 84-hadovamu śviataru, jany vykrykvali nazvu «Isłamskaj dziaržavy».
Paśla taho, jak jany vyjšli z kaścioła, ich zastreliła palicyja.
-
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary