Prakuror Marsela Brys Raben paviedamiŭ u paniadziełak, što ŭ biesparadkach u Marseli pierad matčam Anhlija — Rasija ŭdzielničali 150 «vielmi padrychtavanych» rasijskich chulihanaŭ, adnak palicyja nivodnaha ź ich nie zmahła zatrymać.
Rasijskija chulihany «byli padrychtavanyja da vielmi chutkich i ahresiŭnych dziejańniaŭ», — dadaŭ prakuror, padkreśliŭšy, što im, vidavočna, udałosia vyśliznuć ad palicejskaha kantrolu: jany prybyli ŭ Marsel nie na samalocie.
Tym časam šeść brytancaŭ, try francuzy i adzin aŭstryjec paŭstanuć u paniadziełak pierad sudom Marsela za ŭdzieł u biesparadkach. Prakuratura budzie patrabavać dla ŭsich pakarańnia ŭ vyhladzie pazbaŭleńnia voli, zabarony na naviedvańnie stadyjonaŭ dla francuzaŭ i vydvareńnia z terytoryi Francyi — dla zamiežnikaŭ.
Im staviać u vinu napad sa zbrojaj na palicejskich i inšych asob.
Anhlijski zaŭziatar, jaki atrymaŭ surjoznyja ranieńni pry sutyknieńni z rasijskimi futbolnymi fanatami, znachodzicca ŭ stabilna «krytyčnym» stanie, — dadaŭ Brys Raben. Napadnikaŭ nie ŭdałosia identyfikavać.
U vyniku sutyknieńniaŭ u rajonie Staroha porta Marsela pierad matčam Anhlija — Rasija ŭ subotu paciarpieli ŭsiaho 35 čałaviek.
Kamientary