Na darohach Indyi za minuły hod zahinuła bolš za 146 tysiač čałaviek, paviedamiła ministerstva transpartu krainy. Heta aznačaje, što kožnuju hadzinu achviarami DTZ u Indyi stanoviacca pa mienšaj miery 16 čałaviek.
Bolš za 50% achviar — heta maładyja ludzi va ŭzroście ad 15 da 34 hadoŭ. Jak padkreśliŭ ministr transpartu Indyi Nicin Hadkary, zdareńni na darohach zabirajuć bolš žyćciaŭ, čym vojny i epidemii.
Taksama, jak śviedčać zapisy darožnych kamier u Indyi, dzie darohi ličacca adnymi z samych niebiaśpiečnych u śviecie, bolšaść aŭtamabilistaŭ, pabačyŭšy DTZ, zvyčajna prajazdžajuć mima, ihnarujučy prośby paciarpiełych ab dapamozie.
Zhodna z apytańniem, praviedzienym SaveLIFE ŭ 2013 hodzie, 74% indyjcaŭ naŭrad ci b vyrašylisia spynicca i dapamahčy achviaram DTZ — jak u adzinočku, tak i razam ź inšymi aŭtamabilistami.
Na dumku aktyvistaŭ, sprava nie ŭ niedachopie spahady z boku kiroŭcaŭ, a ŭ tym, što dapamoha paciarpiełym čaściakom ciahnie za saboj šmatlikija prablemy, u tym liku i z pravaachoŭnymi orhanami.
Akramia iłžyvych abvinavačvańniaŭ, ludzi taksama časta bajacca, što im pryjdziecca ŭdzielničać u jakaści śviedak u sudovym pracesie, jaki ŭ Indyi lohka moža zaciahnucca na šmat miesiacaŭ.
Zhodna z dadzienymi Suśvietnaj arhanizacyi achovy zdaroŭja za 2013 hod, Kitaj i Indyja źjaŭlajucca suśvietnymi «lidarami» pa liku śmierciaŭ na darohach. Pavodle dadzienych SAAZ, usiaho ŭ śviecie na darohach hinuć kala 1,25 miljona čałaviek štohod. Heta aznačaje, što na Indyju prypadaje amal 1/8 usich śmierciaŭ na dorohach.
Kamientary