Amal 110 tysiač čałaviek majuć hramadzianskuju zbroju ŭ Biełarusi, paviedamiŭ načalnik adździeła licenzijna-dazvolnaj raboty ŭpraŭleńnia prafiłaktyki MUS Biełarusi Andryjan Kachnovič u čas videa-kanfierencyi na sajcie haziety «SB. Biełaruś siehodnia».
«Hramadzianie Biełarusi mohuć mieć hramadzianskuju zbroju čatyroch asnoŭnych vidaŭ: palaŭničuju zbroju, zbroju samaabarony, spartyŭnuju i sihnalnuju zbroju, — rastłumačyŭ Kachnovič. — Takim pravam (na vałodańnie zbrojaj) na siońniašni dzień skarystalisia 109 tysiač hramadzian. Jany majuć bolš jak 130 tysiač adzinak zbroi».
Samaja vialikaja dola prypadaje na palaŭničuju hładkastvolnuju zbroju — amal 110 tysiač štuk. Taksama ŭ hramadzian na lehalnych padstavach znachodzicca bolš jak 10 tysiač hazavych pistaletaŭ, krychu mienš jak 2 tysiačy spartyŭnych pistaletaŭ i h.d.
MUS nahadvaje, što za niezakonnaje zachoŭvańnie zbroi i bojeprypasaŭ, pavodle artykuła 295 KK, pahražaje da 12 hadoŭ pazbaŭleńnia voli. Pry hetym kryminalny zakon havoryć, što dobraachvotnaja zdača bojeprypasaŭ i zbroi vyzvalaje ad adkaznaści. Vyklučeńnie składajuć vypadki zbytu.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary