Chakiejnaja zbornaja Biełarusi, jakaja zaniała na čempijanacie śvietu ŭ Rasii 12-je miesca siarod 16 kamand, 18 maja viarnułasia dadomu. U minskim aeraporcie jaje sustrakali ŭsiaho niekalki zaŭziataraŭ.
«Ja jašče nie analizavaŭ turnir, tamu nie budu rabić pakul niejkija vysnovy, — zajaviŭ žurnalistam hałoŭny trenier Dejv Ljuis. — Patrebna bolš padrabiaznaja infarmacyja, statystyka, videa. Ja chaču praanalizavać usio: ad pieršaha etapu padrychtoŭki da zaklučnaha matča na čempijanacie śvietu».
«Kali kamanda hulaje niaŭdała, u kožnaha svaja pryčyna. Mnie treba razabracca ŭ detalach, što i čamu. Heta maja praca», — skazaŭ trenier.
Na pytańnie ab praciahu supracoŭnictva sa zbornaj Ljuis maje namier adkazać 20 maja na pres-kanfierencyi.
Bramnik Kievin Łałand nazvaŭ vynik na ČS «zasmučalnym». «My hulcy i pavinny ŭziać na siabie adkaznaść za toje, što adbyłosia. My pavinny zastacca razam, zrabić vysnovy i bolš nie paŭtaryć takich pamyłak … Časam my byli niaŭdačlivymi, kamandy byli hatovyja da nas, pavažali nas i nastrojvalisia na nas. Ty nie možaš vyznačacca kožny viečar. Asabista ja, naprykład, trochi straciŭ upeŭnienaść u sabie. Ciapier treba «pierahrupavacca» i hladzieć napierad», — zajaviŭ hałkipier.
«Nam pakazali, nad čym pracavać i na jakim uzroŭni my ciapier znachodzimsia, — adznačyŭ napadajučy Andrej Staś. — U kamandzie pavinna być dyscyplina, tamu što vydaleńni mocna ŭpłyvajuć na vynik matča».
«Asabistaje vystupleńnie trochi padsaładziła vystupleńnie. Hordy za hulniu ŭ apošnim matčy. Zhulali mienavita jak kamanda i nie pakinuli francuzam nijakich šancaŭ», — adznačyŭ chakieist.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa65
Kamientary