Krynica: Razam z Baskinym zatrymali jaho padnačalenych, usich advieźli ŭ Minsk
Ab zatrymańni hienieralnaha dyrektara kampanii «Siervaluks» Jaŭhiena Baskina stała viadoma ŭ aŭtorak ranicaj. Pakul ni ŭ samoj kampanii, ni ŭ KDB nie kamientujuć hetuju infarmacyju. Jak stała viadoma Jeŭraradyjo, zatrymlivali Baskina minskija śpiecsłužby.
«Na mianie siońnia vyjšli rodnyja biźniesmiena. Prasili dapamahčy z kantaktami advakataŭ. Raskazali, što zatrymlivać pryjechali KDBisty, na mašynach byli minskija numary. Adnamu z zatrymanych dazvolili patelefanavać žoncy. Jon joj raskazaŭ, što ich zatrymlivajuć i viazuć u Minsk. Jana jašče chacieła ježu pieradać, rečy. Ale kadebisty adkazali, što nie treba. Paraili tolki šukać advakata», — raskazaŭ Jeŭraradyjo mahiloŭski pravaabaronca Barys Buchiel.
Kampanija «Siervaluks», jakoj kiruje Jaŭhien Baskin, — samy bujny ŭ krainie vytvorca miasa ptuški. Baskin uvachodzić u šaściorku samych paśpiachovych biźniesmienaŭ krainy pa viersii vydańnia «Ježiednievnik».
Viečaram 11 sakavika stała viadoma ab zatrymańni inšaha bujnoha biźniesmiena — Juryja Čyža. U niadzielu KDB aficyjna paćvierdziŭ hetuju infarmacyju i paviedamiŭ, što Čyža padazrajuć u niavypłacie padatkaŭ u asabliva bujnym pamiery.
Kamientary