U stalicy Vieniesueły Karakasie prachodziać maršy suprać i ŭ padtrymku ŭładaŭ.
Pratestoŭcy, aburanyja ekanamičnym kryzisam u krainie, vyjšli na vulicy z patrabavańniem adstaŭki prezidenta Nikałasa Madury.
U toj ža čas u inšym rajonie Karakasa prezident sklikaŭ svaich prychilnikaŭ pad vidam demanstracyi suprać rašeńnia Złučanych Štataŭ praciahnuć sankcyi suprać niekalkich vysokapastaŭlenych čynoŭnikaŭ.
Na minułym tydni apazicyjnaja kaalicyja prahałasavała za toje, kab vykarystać usie mahčymaści skinuć Maduru sioleta, uklučajučy sklikańnie refierendumu abo ŭniasieńnie papravak u kanstytucyju.
Adnak analityki kažuć, što ŭ asnoŭnym apazicyja addaje pieravahu vuličnym pratestam, kab vymusić Maduru syści.
U pačatku hoda ŭrad Vieniesueły abviaściŭ pra ŭviadzieńnie nadzvyčajnaha ekanamičnaha stanovišča terminam na 60 dzion.
Va ŭkazie ab uviadzieńni nadzvyčajnaha ekanamičnaha stanovišča praduhledžvajecca pavyšeńnie padatkaŭ i ŭvodzicca bolš žorstki dziaržaŭny kantrol u śfiery biźniesu i pramysłovaj vytvorčaści.
Vieniesueła vałodaje najbujniejšymi ŭ śviecie raźviedanyja zapasami nafty, adnak padzieńnie cenaŭ na čornaje zołata za apošnija 1,5 hoda pryviało da źnižeńnia prybytku ad ekspartu nafty na 60%.
Heta značna ŭskładniła ekanamičnuju situacyju, jakaja jašče da padzieńnia cenaŭ na naftu była davoli ciažkaja.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary