Pakul nie pryniataje kankretnaje rašeńnie nakont źnižeńnia štrafaŭ dla indyvidualnych pradprymalnikaŭ za handal bieź siertyfikataŭ, zajavam čynoŭnikaŭ pradprymalniki nie pavierać.
Tak kiraŭnik Respublikanskaha hramadskaha abjadnańnia «Pierśpiektyva» Anatol Šumčanka kamientuje Jeŭraradyjo zajavu dyrektara departamienta pa pradprymalnictvie Minekanomiki Piatra Arušańjanca. U piatnicu jon paviedamiŭ pra namier źmienšyć pamiery štrafaŭ za hetaje parušeńnie ŭ 100 razoŭ.
«Nijakich kankretnych rašeńniaŭ na siońnia i navat pieradumoŭ dla taho, kab heta zdaryłasia, my nie bačym. A da hetych zajavaŭ ja zaklikaju surjozna nie stavicca, bo ich ŭžo było zroblena šmat. Uvohule, hetyja zajavy hučać ździekliva na fonie taho, što było abiacana na pasiadžeńni pracoŭnaj hrupy», — kaža Šumčanka.
Na siońniašni dzień u Biełarusi za parušeńnie ŭkazu kiraŭnika dziaržavy № 222 pradprymalniki abaviazanyja zapłacić ad 200 da 500 bazavych vieličyń (ad 42 młn da 105 młn rubloŭ). Pa słovach Šumčanki, padčas pasiadžeńnia adpaviednaj pracoŭnaj hrupy pradprymalnikam abiacali da 9 sakavika padrychtavać i nakiravać u Saŭmin prajekt pastanovy pa amnistyi dla parušalnikaŭ ukazu №222, ale hetaha tak i nie było zroblena.
Pa słovach Šumčanki, navat kali štrafy i sapraŭdy buduć źnižanyja, heta nie vyrašyć prablemu, ź jakoj siońnia sutyknulisia IP:
«Pazicyja «Pierśpiektyvy» — źniaćcio adkaznaści ź indyvidualnych pradprymalnikaŭ za siertyfikaty. Heta našaja pazicyja i my jaje budziem prytrymlivacca».
Kamientary