Na prajmieryz, jakija prajšli ŭ štacie Ńju-Hempšyr, upeŭnienuju pieramohu siarod respublikancaŭ atrymaŭ Donald Tramp, u demakrataŭ — sienatar ad štata Viermont Bierni Sanders.
Jaŭka na pieršasnych vybarach u Ńju-Hempšyry pieraŭzyšła ŭsie miežy, staŭšy pryčynaj doŭhich aŭtamabilnych zatoraŭ i vielizarnych čerhaŭ da vybarčych učastkaŭ.
Apytańni hramadskaj dumki, jakija pravodzilisia niezadoŭha da hałasavańnia, pradrakali pieramohu mienavita Trampu i Sandersu.
Chiłary Klintan pryznała svaju parazu i pavinšavała Sandersa ź pieramohaj. Jon u adkaz padziakavaŭ jaje za bliskuča praviedzienuju kampaniju.
Pa dadzienych kampanii RealClearPolitics, napiaredadni vybaraŭ 54,5% prychilnikaŭ Demakratyčnaj partyi ŭ Ńju-Hempšyry byli hatovyja hałasavać za Sandersa, 41,2% — za Klintan. U realnaści, pa vynikach padliku traciny hałasoŭ, razryŭ akazaŭsia jašče bolšym: 59% i 39% adpaviedna.
Toje ž apytańnie pakazała, što za Trampa mieli namier hałasavać 31,2% prychilnikaŭ respublikancaŭ, tady jak usie astatnija vyłučency nie nabirali bolš za 15%. Paśla padliku traciny hałasoŭ Tramp nabiraje 34,5%, jaho bližejšy supiernik — respublikaniec Džoš Kiejsik — 16%.
Tramp taksama padziakavaŭ za ŭsio svaim sapiernikam, zajaviŭšy, što ŭ Respublikanskaj partyi jość «sapraŭdnyja talenty».
Nastupnyja papiarednija vybary adbuducca ŭ Paŭdniovaj Karalinie i ŭ Nievadzie.
Čamu heta važna
Chacia vyniki hałasavańnia ŭ Ńju-Hempšyry nie źjaŭlajucca vyrašalnymi, pośpiech u hetym štacie moža stać važnym psichałahičnym faktaram dla ŭsioj kampanii kandydata.
U chodzie 10 apošnich prezidenckich vybaraŭ u ZŠA pieramožca prajmieryz u Ńju-Hempšyry siarod respublikancaŭ stanaviŭsia aficyjnym kandydatam u prezidenty vosiem razoŭ, siarod demakrataŭ — siem razoŭ.
Pieramoha na prajmieryz u Ńju-Hempšyry kaliści dapamahła stać lidarami prezidenckaj honki Duajtu Ejzienchaŭeru, Ronaldu Rejhanu i Džymi Karteru.
Lindan Džonsan, jaki pakazaŭ słaby vynik u Ńju-Hempšyry ŭ 1968 hodzie, admoviŭsia ad vyłučeńnia svajoj kandydatury na novy termin.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary