U dačynieńni da haradzienca, jaki dvojčy schłusiŭ milicyi pra vybuchovaje prystasavańnie, raspačata kryminalnaja sprava.
U złačynstvie padazrajecca raniej nie sudzimy žychar Hrodna, 1987 hoda naradžeńnia. Znachodziačysia 16 studzienia ŭ adnym z načnych kłubaŭ abłasnoha centra, kala 5 hadzin 30 chvilin jon sa svajho mabilnaha telefona paviedamiŭ na liniju «102», što ŭ kłubie nibyta zakładziena vybuchovaje prystavańnie, paviedamlaje Siarhiej Šaršanievič, aficyjny pradstaŭnik USK pa Hrodzienskaj vobłaści.
Pryjechała milicyja, evakujavali 48 čałaviek. Hrupa raźminiravańnia abśledavała abjekt, ale vybuchovaha prystasavańnia nie znajšła.
Maładoha čałavieka zatrymali. Ale padčas hetaha jon zajaviŭ milicyjantam, što vybuchoŭka prymacavana da jaho cieła. Adnak i hetaja infarmacyja apynułasia iłžyvaj.
Vyśvietliłasia, što chłopiec pjany. Utrymańnie ałkaholu ŭ jaho kryvi skłała 1,7 pramile.
Ciapier vyrašajecca pytańnie prymianieńnia miery strymańnia ŭ dačynieńni ža «miniora». Na jaho majomaść nakładzieny aryšt u metach zabieśpiačeńnia kampiensacyi vydatkaŭ, abumoŭlenych niepravamiernymi dziejańniami.
Darečy, za svaje dziejańni (zahadzia chłuślivaje paviedamleńnie ab niebiaśpiecy) jon moža atrymać realny termin – da 5 hadoŭ pazbaŭleńnia voli.
Kamientary