ZŠA na pastajannaj asnovie raźmieściać u Litvie kala 200 adzinak vajennaj techniki, paviedamlajuć infarmahienctvy sa spasyłkaj na sajt Minabarony Litoŭskaj Respubliki.
«U pieršaj partyi, jakaja ŭ śniežni pastupić na bazu litoŭskaj armii ŭ rajonie nasielenaha punkta Mamujčaj, budzie kala 50 adzinak techniki», — havorycca ŭ paviedamleńni.
U liku techniki, jakuju pierakidvajuć da miesca raźmiaščeńnia ŭ suviazi z zaviaršeńniem vučeńniaŭ NATA Iron Sword, što adbylisia ŭ listapadzie, tanki Abrams i bajavyja mašyny piachoty (BMP) Bradley. Jany byli vykarystanyja motapiachotnaj rotaj sa składu 36-ha pałka ZŠA. U Minabarony Litvy adznačyli, što ŭ dalejšym park bajavych mašyn, dastatkovy dla praviadzieńnia vučeńniaŭ u składzie roty, budzie pavialičany da 200 adzinak.
U Mumajčaj tanki i BMP buduć znachodzicca da viasny, paśla čaho ich znoŭ pierakinuć u rajony praviadzieńnia vajennych manieŭraŭ.
Vučeńni Iron Sword źjaŭlajucca častkaj prahramy NATA pa padrychtoŭcy vajennych i arhanizacyi vučeńniaŭ. Ich meta — adpracoŭka ŭzajemadziejańnia voinskich častak NATA, uzhadnieńnie dziejańniaŭ i pracedur padrychtoŭki da apieracyi. U Litvie vučeńni ŭpieršyniu praviali ŭ 2014 hodzie.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ6
Kamientary