Supracoŭniki adzinaha niedziaržaŭnaha vydańnia Haradzienskaj vobłaści «Hazieta Słonimskaja» pavinny da 1 červienia 2008 hoda pakinuć pamiaškańnie, jakoje arandujuć pa vulicy Kamsamolskaj.
Supracoŭniki adzinaha niedziaržaŭnaha vydańnia Haradzienskaj vobłaści «Hazieta Słonimskaja» pavinny da 1 červienia 2008 hoda pakinuć pamiaškańnie, jakoje arandujuć pa vulicy Kamsamolskaj.
Pra heta ŭ piśmovym vyhladzie hałoŭnamu redaktaru hazety Viktaru Vaładaščuku paviedamiŭ arendadaŭca — dyrektar RUP «Słonimski bytkambinat» Stanisłaŭ Ivanaška. U liście havaryłasia, što damova ab arendzie z «HS» zakančvajecca 31 traŭnia i dalej nia budzie praciahnuta.
Na praciahu siami hadoŭ «Hazieta Słonimskaja» zajmała adzin pavierch u miascovym bytkambinacie. Uvieś hety peryjad kiraŭnictva vydańnia dobrasumlenna vykonvała ŭsie ŭmovy arendadaŭcy — svoječasova rabiła vypłaty, naležnym čynam sačyła za stanam pamiaškańnia.
Paśla atrymanaha paviedamleńnia hałoŭny redaktar «HS» Viktar Vaładaščuk dasłaŭ list na imia dyrektara bytkambinatu z prośbaj pierahladzieć rašeńnie. Ale spadar Ivanaška pakinuŭ svajo rašeńnie biaź źmienaŭ.
Spadar Vaładaščuk źviarnuŭsia da staršyni Słonimskaha rajvykankamu Miečysłava Kaściuka, kab toj paspryjaŭ u vyrašeńni pytańnia, ale adkazu ad jaho pakul nie atrymaŭ. Vizyt na pryjom da staršyni rajvykankamu taksama nia daŭ vynikaŭ.
Jak paviedamiŭ Viktar Vaładaščuk słužbie manitorynhu BAŽ, na siońnia nichto z kiraŭnikoŭ słonimskich pradpryjemstvaŭ, kudy jon źviartaŭsia ŭ pošukach pamiaškańnia, nie zachacieŭ zaklučyć damovu arendy ź niedziaržaŭnaj «Hazietaj Słonimskaj».
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary