Łahojskim rajonnym adździełam SK rasśledujecca kryminalnaja sprava ŭ dačynieńni da kiraŭnika adnoj ź fiermierskich haspadarak rehijona, jaki padazrajecca ŭ prysvajeńni i rastracie dadzienaj jamu majomaści ŭ bujnym pamiery.
Padstavaj dla kryminalnaha pieraśledu pasłužyli materyjały pravierki, praviedzienaj supracoŭnikami hrupy pa baraćbie z ekanamičnymi złačynstvami Łahojskaha RAUS.
Papiarednie ŭstanoŭlena, što padazravany, źjaŭlajučysia materyjalna — adkaznaj asobaj, z sakavika 2013 hoda pa maj 2015 hoda skłaŭ z žycharami adnoj ź viosak Łahojskaha rajona damovy na vykanańnie rabot pa hazifikacyi ich pryvatnych damoŭ. Častka atrymanych ad hramadzian hrašovych srodkaŭ pa metavym pryznačeńni padazravany nie vykarystoŭvaŭ, a rasparadziŭsia imi pa ŭłasnym mierkavańni. U vyniku supraćpraŭnych dziejańniaŭ pryčynienaja im škoda skłała nie mienš za 125 miljonaŭ rubloŭ. Bolš za 20 čałaviek pryznanyja pa kryminalnaj spravie paciarpiełymi.
U ramkach rasśledavańnia kryminalnaj spravy, zaviedzienaj pa č.3 st.211 Kryminalnaha kodeksa Respubliki Biełaruś, pravodziacca dopyty śviedak i paciarpiełych, vyvučajucca dakumienty, jakija tyčacca hazifikacyi žyłych damoŭ u sielskaj miascovaści, ažyćciaŭlajucca śledčyja i pracesualnyja dziejańni, nakiravanyja na zbor materyjałaŭ i dakazalnaj bazy, a taksama ŭstanaŭleńnie dakładnaha pamieru naniesienaj škody. Śledstvam nakładzieny aryšt na majomaść padazravanaha na ahulnuju sumu bolš za 900 miljonaŭ rubloŭ.
Rasśledavańnie kryminalnaj spravy praciahvajecca.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa74
Kamientary