Sanitarna-epidemijałahičnaja słužba Minska abvierhła infarmacyju ab masavym zachvorvańni dziaciej u azdaraŭlenčym łahiery «Lasny».
U Minski haradski centr hihijeny i epidemijałohii patelefanavała zaniepakojenaja žančyna, jakaja paviedamiła, što ŭ azdaraŭlenčym łahiery «Lasny» masava chvarejuć dzieci. Hetuju infarmacyju apublikavali niekatoryja internet-partały, paviedamiŭšy, što ŭ łahiery ŭžo zachvareli bolš za 70 čałaviek.
Pa słovach hałoŭnaha sanitarnaha doktara stalicy Natalli Žukavaj, śpiecyjalisty centra vyjechali ŭ łahier. Miedyki ahledzieli ŭsie pamiaškańni, pravieryli režym uborki charčabłoka, pakojaŭ, sanvuzłoŭ, abśledavali i apytali piersanał i dziaciej. «Ciapier u izalatary łahiera znachodziacca dvoje dziaciej z papiarednim dyjahnazam «vostraja reśpiratornaja infiekcyja», — skazała Natalla Žukava. - Pravierki letnich azdaraŭlenčych łahieraŭ buduć praciahnutyja da apošniaha dnia znachodžańnia dziaciej na adpačynku, što źjaŭlajecca šmathadovaj praktykaj pracy sanitarna-epidemijałahičnaj słužby horada».
Akramia taho, u łahier «Lasny» pryjechali śpiecyjalisty sanepidsłužby Maładziečanskaha rajona, jakija paśla pravierki taksama abvierhli infarmacyju ab masavym zachvorvańni dziaciej.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary