Televizar idzie za taboj. Strach internaŭta ŭ rekłamie rasijskaha «Pieršaha kanała» VIDEA
A taksama «najhoršaja rekłama mabilnaj prahramy».
Na pačatku lipienia rasijski «Pieršy kanał» vypuściŭ rekłamnyja roliki svajoj mabilnaj prahramy. 27 lipienia na ich źviarnuła ŭvahu «Mieduza».
«Pieršy kanał» pieraśleduje hledača, kudy b jon nie jšoŭ: televizar prosta nosiać za hledačom. «Samy nadziejny spadarožnik», «ciepłynia ŭ tvajoj ruce» — takimi słovami rekłamujuć mabilnuju prahramu, što dazvalaje hladzieć telepieradačy sa smartfona.
Praŭda, «Mieduza» paličyła strašniejšym druhi rolik. «U «Pieršaha kanała» atrymałasia źniać najhoršuju rekłamu mabilnaj prahramy», — piša vydańnie pra videa, na jakim pad «moładzievuju» piesieńku prahramu rekłamujuć «žyvyja palcy».
Biełaruskija telekanały nie majuć ułasnych mabilnych prahram z mahčymaściu anłajn-prahladu. Naprykład, Android-prahrama «Biełteleradyjokampanija» dazvalaje tolki čytać naviny i hladzieć archiŭnaje videa.
Anłajn-prahlad biełaruskich telekanałaŭ praz mabilnyja prahramy za nievialikuju płatu prapanuje šerah kampanij, u tym liku mabilnyja apieratary. Biaspłatny prahlad niekatorych kanałaŭ dastupny praz prahramu TUT.BY.
Nakolki viadoma «Našaj Nivie», nivodnaja mabilnaja prahrama nie dazvalaje hladzieć anłajn niezaležny biełaruski kanał «Biełsat», ale pahladzieć jaho možna prosta praz braŭzier telefona z sajta kanała.
«Naša Niva» maje ŭłasnuju mabilnuju prahramu, što dazvalaje čytać naviny i prahladać videa z sajta.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary