U sieradu, 15 lipienia ŭ Japonii nabyli siłu źmieny ŭ zakon, što tyčycca zachoŭvańnia i raspaŭsiudu parnahrafii, paviedamlaje The Japan Times.
Ciapier u Japonii nielehalna nie tolki zdymać i raspaŭsiudžvać, ale i zachoŭvać dziciačaje porna. Praŭda, zakon tyčycca tolki fota i videa, ale nie animacyi i kampjutarnaj hrafiki.
Za zachoŭvańnie dziciačaha porna praduhledžanyja štrafy da 8 tysiač dalaraŭ.
Pornakomiksy i parnahrafičnyja multfilmy z udziełam dziaciej, papularny ŭ Japonii padžanr chientaja (pornamultfilmaŭ), zastajucca lehalnymi. Jurysty chvalavalisia ab mahčymych złoŭžyvańniach ich zabaronaj.
Kolkaść spraŭ, źviazanych sa stvareńniem i raspaŭsiudam dziciačaha porna, udvaja vyrasła z 2009 da 2014 hoda — za 2014 hod było zaviedziena amal dźvie tysiačy spraŭ.
Japonija zastavałasia apošniaj z krain «vialikaj siamiorki», u jakoj było dazvolena zachoŭvać dziciačaje porna. Za heta kraina krytykavałasia inšymi ŭdzielnikami siamiorki. Kali razhladać byłuju «vialikuju vaśmiorku», to Japonija nie apošniaja — zachoŭvańnie dziciačaha porna nie karajecca ŭ Rasii.
U Biełarusi, jak i ŭ Rasii, zachoŭvańnie porna nie jość złačynstvam. Vyrab i raspaŭsiud, a taksama «zachoŭvańnie z metaj raspaŭsiudu» (zakon nie ŭdakładniaje, čym heta adroźnivajecca ad zachoŭvańnia) karajucca pa zakonie, złačyncam pahražaje da 13 hod pazbaŭleńnia voli z kanfiskacyjaj majomaści. Ministerstva ŭnutranych spraŭ prapanoŭvała ŭvieści adkaznaść i za kalekcyjanavańnie.
Kamientary