U mai 2015 hoda spažyvieckija ceny na tavary i pasłuhi ŭ Biełarusi vyraśli ŭ paraŭnańni z krasavikom na 0,7%, sa śniežniem 2014 hoda — na 6,5%, paviedamlaje pres-słužba Nacyjanalnaha statystyčnaha kamiteta.
Ceny na charčovyja tavary za miesiac vyraśli na 0,6%. Najbolej istotna padaraželi: cukar — na 9,4%, čaj — na 2,6%, kandytarskija i makaronnyja vyraby — na 1,3%, sadavina — na 1,1%.
Źnizilisia ceny na rybu i morapradukty — na 0,02%, syry — na 0,1%, jajki — na 0,3%, alej (akramia aliŭkavaha) — na 0,4%, charčovyja kansiervy — na 1,1%, bulbu — na 1,2%, masła — na 1,5%, aharodninu — na 5,5%.
Ceny na niecharčovyja tavary ŭ mai ŭ paraŭnańni z krasavikom pavialičylisia na 0,7%. Bolš za ŭsio ŭ mai padaraželi sintetyčnyja myjnyja srodki — na 2,4%, miedykamienty — na 2,3%, piśmovyja pryłady i parfumierna-kaśmietyčnyja tavary — 1,7%, hadzińniki — na 1,5%, viełasipiedy i matacykły — na 1,2%.
Źnizilisia ceny na abutak — na 1,3%, na meblu — na 0,2%.
Ceny i taryfy na płatnyja pasłuhi za miesiac pavialičylisia na 0,7%. Bolš za inšyja padaraželi pasłuhi čyhunačnaha mižnarodnaha transpartu — na 2,9%, pavietranaha transpartu — na 2,5%, azdaraŭlenčyja i turystyčnyja — na 1,3%, miedycynskija i teatraŭ — na 1,2%.
Źnizilisia taryfy na pasłuhi aŭtamabilnaha transpartu — na 0,05%, kultury — na 0,5%, kinateatraŭ i videasałonaŭ — na 1%, kancertnych arhanizacyj — na 1,3%.
Nahadajem, asnoŭnymi kirunkami hrašova-kredytnaj palityki Biełarusi na 2015 hod pryrost cen byŭ praduhledžany na ŭzroŭni nie bolš jak 12%. Adnak u kancy studzienia metavy aryjencir inflacyi ŭ 2015 hodzie byŭ vyznačany Nacbankam na ŭzroŭni 18% z dapuščalnym adchileńniem u 2%.
U 2014 hodzie inflacyja ŭ Biełarusi značna pieravysiła prahnozny paramietr i skłała 16,2%.
Kamientary