Staršynia Savieta Respubliki Michaił Miaśnikovič siońnia ŭ čas naviedvańnia AAT «Biarozaŭski syrarobny kambinat» prapanavaŭ pradpryjemstvam Bresckaj vobłaści asvojvać kitajski rynak.
«Dla Bresckaj vobłaści ja vielmi nastojliva rekamiendavaŭ by surjozna asvojvać kitajski rynak. Jak kaža Ministerstva sielskaj haspadarki, 14 kampanij adkryli svaje licenzii. Treba pracavać», — skazaŭ Michaił Miaśnikovič.
Staršynia Savieta Respubliki źviarnuŭ uvahu, što biełaruskija pradpryjemstvy pryvykli raźličvać na rasijski rynak. «Za apošnija hady Rasija pryrasła na 40% pa vytvorčaści śvininy i na 80% pa vytvorčaści miasa ptušak. U bližejšyja niekalki hadoŭ Rasija zakryje svaje patreby ŭ miasie ŭłasnymi resursami», — adznačyŭ jon.
Michaił Miaśnikovič padkreśliŭ, što pradpryjemstvam nieabchodna vučycca handlavać i raźvivać svoj markietynh.
Kamientary