Rasijskaha deputata abvinavačvajuć u zhvałtavańni padletka
Śledčy kamitet Rasii pradjaviŭ abvinavačvańni ŭ seksualnym złačynstvie ŭ dačynieńni da 16-hadovaha padletka deputatu zakanadaŭčaha schodu Karelii Ivanu Ramanavu z frakcyi «Adzinaja Rasija».
Pa hetaj spravie taksama abvinavačvajecca namieśnik dyrektara pa vychavaŭčaj i arhanizacyjnaj rabocie Biełamorska-Aniežskaha filijała Dziaržaŭnaha univiersiteta marskoha i račnoha fłotu imia admirała S.O. Makarava Aleh Siamionaŭ.
Pa viersii śledstva, złačynstva było ździejśniena ŭ pieryjad z maja pa červień 2012 hoda.
Cud padoŭžyŭ termin zatrymańnia abvinavačanych na 72 hadziny z-za drennaha samaadčuvańnia deputata, jakoha źmiaścili ŭ miedycynskuju ŭstanovu.
Jak zajaviŭ u sudzie Ramanaŭ, supracoŭniki pravaachoŭnych orhanaŭ źbili jaho pry zatrymańni 1 maja.
Sprava suprać Ramanava i Siamionava zaviedzienaja pa artykule «hvałtoŭnyja dziejańni seksualnaha charaktaru, učynienyja ŭ dačynieńni da niepaŭnaletniaha». Zhvałtavańniem ŭ rasijskim kryminalnym pravie ličycca tolki złačynstva, ździejśnienaje mužčynam ŭ adnosinach da žančyny.
Pa infarmacyi karelskaha sajta, u dvuchuzroŭnievaj kvatery Ramanava na vulicy Rovia byvali dvoje niepaŭnaletnich kursantaŭ Pietrazavodskaha račnoha vučylišča, jakich u listapadzie minułaha hoda znajšli paviešanymi ŭ lesie kala pasiołka Šałtoziera. Asnoŭnaja viersija śledstva — samahubstva, adnak, jak adznačaje vydańnie, mahčyma, što deputat moh ich čymści zapałochać.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ6
Kamientary