«Za tydzień na Mikałaja Statkieviča składziena vosiem aktaŭ. Jon pazbaŭleny charčovaj pieradačy, karotkaterminovaha spatkańnia, adbyŭ troje sutak u ŠYZA, a siońnia źmieščany na dva miesiacy ŭ pamiaškańnie kamiernaha typu», — paviedamiła žonka palitviaźnia Maryna Adamovič.
«24 sakavika Mikałaj Statkievič napisaŭ zajavu ab admovie ad niezakonnaj pracy pa samaabsłuhoŭvańni. Hetu pracu pavinny vykonvać usie źniavolenyja pa čarzie. Pryciahvać da jaje vykanańnia ludziej mohuć nie bolš, čym na dźvie hadziny na dzień. U dačynieńni da Mikałaja hetyja normy i pa praciahłaści, i pa abjomu pieravyšalisia ŭ dziesiatki razoŭ», — raskazvaje jana.
Ab umovach u PKT i ŠYZA škłoŭskaj kałonii Mikałaj Statkievič raspaviadaŭ jašče ŭ 2011 hodzie, kali apynuŭsia tam upieršyniu. Ścieny ŭ kamiery pafarbavanyja ciomna-siniaj farbaj, tam vielmi ciomna, dzionnaha śviatła niama. Łava vielmi nizkaja, a stolik — vysoki. Kali siadaješ, stoł akazvajecca na ŭzroŭni padbarodka.
«Imavierna, što rychtujecca novaja sprava suprać Mikałaja», — dapuskaje Maryna Adamovič.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary