Sapraŭdy ŭvaskros! Katoliki i pratestanty śviatkujuć Vialikdzień, pravasłaŭnyja — Vierbnicu
Katoliki i pratestanty va ŭsim śviecie, i Biełarusi, 5 krasavika śviatkujuć Vialikdzień — śviata ŭ pamiać pra ŭvaskrasieńnie Chrysta. Pravasłaŭnyja adznačajuć siońnia Vierbnicu.
Na Vialikdzień ludzi vitajucca adzin z adnym, kažučy: «Chrystos uvaskros!» I adkazvajuć na toje: «Sapraŭdy ŭvaskros!»
U pravasłaŭnaj carkvie 5 krasavika taksama vialikaje śviata — Vierbnica.
Hetaje śviata ŭstanoŭlenaje ŭ pamiać uvachodu Isusa Chrysta ŭ Jerusalim. Napiaredadni hetaha, Isus ździejśniŭ cud uvaskrasieńnia Łazara. Viestka pra heta raźniesłasia šyroka, i śviet narodu vitaŭ jaho jak cara palmovymi halinkami.
U Biełarusi na hetaje śviata aśviačajuć vierbnyja halinki — jany simvalizujuć tyja palmovyja, jakimi sustrakali Chrysta.
Vialikdzień pravasłaŭnyja buduć śviatkavać praz tydzień, 12 krasavika.
Čamu takaja roźnica pamiž Vialikadniami? Bo Vialikdzień, zhodna z tradycyjaj, śviatkujecca ŭ pieršuju niadzielu paśla viasnovaj poŭni. Katalickaja i pratestanckaja hramady žyvuć pavodle hryharyjanskaha kalendara, tamu Vialikdzień prypadaje na pieryjad času pamiž 23 sakavika i 20 krasavika, a šerah pravasłaŭnych cerkvaŭ trymajucca julijanskaha kalendara, tamu Vialikdzień adznačajecca pamiž 8 krasavika i 5 maja.
Hod tamu Vialikdzień u pravasłaŭnych, katalikoŭ i pratestantaŭ byŭ supolnym — 20 krasavika.
U 2016 h. roźnica składzie bolš za miesiac: 27 sakavika i 1 maja, a 2017 h. znoŭ budziem śviatkavać razam — 16 krasavika.
Apytanka
Pobač z Łukašenkam na chakiei źjaviłasia novaja pryhažunia10
Kamientary